ដើម្បីចូលរួមអបអរថ្ងៃទិវានៃក្តីស្រឡាញ់ ១៤ កុម្ភៈ ដែលខិតជិតចូលមកដល់នាពេលខាងមុខ ក្រុមហ៊ុន Naga World បានផ្តល់ជូននូវការសម្តែងសិល្បៈនៃ “ដំណើររឿងស្នេហា” បែបសហសម័យដ៏ប្លែកឥតគិតថ្លៃសម្រាប់គ្រប់វ័យ នៅណាហ្គាទី២ ក្នុងសាលមហោស្រព NABA ដែលនឹងចាប់ផ្តើមពីថ្ងៃទី២ កុម្ភៈ រហូតដល់ថ្ងៃទី៣ មីនា ពីរៀងរាល់ថ្ងៃព្រហស្បតិ៍តដល់អាទិត្យ ចាប់ពីម៉ោង៨យប់។ សំបុត្រឥតគិតថ្លៃ មានផ្តល់ជូននៅណាហ្គាវើលដ៍។

ការសម្តែងរយៈពេល៤៥នាទីនេះ រួមមានការចាក់ភ្លេងដ៏ពីរោះ និងការរាំដ៏រស់រវើក ដែលផ្តល់ជូនដោយអ្នកសម្តែងជាតិ និងអន្តរជាតិអមដោយការបញ្ចាំងភ្លើងដ៏មហស្ចារ្យនៅក្នុងសាលមហោស្រពបច្ចេកវិទ្យាវីដេអូ 3D mapping ដំបូងគេបង្អស់ក្នុងប្រទេសកម្ពុជា។ ត្រៀមខ្លួនទទួលយកនូវអារម្មណ៍ដ៏រភើបញាប់ញ័រមិនអាចបំភ្លេចបានជាមួយការសម្តែងរបស់លោក Justin និង Cherry ៕ធ.ដ