សមត្ថកិច្ចផ្នែកចរារណ៍ខណ្ឌដូនពេញឃាត់យានយន្តបាន០៦គ្រឿងល្មើសច្បាប់ចរាចរណ៍នៅរង្វង់មូលវិមានឯករាជ្យ
ភ្នំពេញ ៖ នៅថ្ងៃទី១៤ ខែធ្នូ ឆ្នាំ២០១៨នេះ សមត្ថកិច្ចអនុវត្តន៍ច្បាប់ និងអាជ្ញាធរខណ្ឌដូនពេញបានឃាត់បានយានយន្តសរុបចំនួន០៦ គ្រឿង ស្ថិតនៅរង្វង់មូលជុំវិញវិមានឯករាជ្យ និងផ្លូវព្រះសុរាម្រឹត ក្នុងសង្កាត់ចតុមុខ ខណ្ឌដូនពេញ ហើយបញ្ជូនទៅស្នងការដ្ឋាននគរបាលរាជធានីភ្នំពេញ ដើម្បីអនុវត្តន៍នីតិវិធី នេះបើយោងតាមរបាយការណ៍របស់អាជ្ញាធរខណ្ឌដូនពេញ ។
អាជ្ញាធរខណ្ឌដូនពេញ បានឲ្យដឹងទៀតថា នៅថ្ងៃទី១៤ ខែធ្នូ ឆ្នាំ២០១៨ ចាប់ពីម៉ោង៧៖០០នាទីព្រឹក រហូតដល់ម៉ោង១០៖០០នាទីយប់ កម្លាំងគណៈបញ្ជាការឯកភាពខណ្ឌដូនពេញ សហការជាមួយសមត្ថកិច្ចផ្នែកចរាចរណ៍ខណ្ឌ ព្រមទាំងរួមសហការជាមួយកម្លាំងការិយាល័យចរាចរណ៍ជើងគោក នៃស្នងការដ្ឋាននគរបាលរាជធានីភ្នំពេញ អនុវត្តយុទ្ធនាការឃាត់យានយន្តដែលបើកបញ្ច្រាសទិសដៅចរាចរណ៍ នៅរង្វង់មូលជុំវិញវិមានឯករាជ្យ និងផ្លូវព្រះសុរាម្រឹត ស្ថិតក្នុងសង្កាត់ចតុមុខ ខណ្ឌដូនពេញ ឃាត់បានយានយន្តសរុបចំនួន០៦ គ្រឿងរួមមាន ៖ ម៉ូតូចំនួន ០១ គ្រឿង រ៉ឺម៉កកង់បី ០៤ គ្រឿង រថយន្ត ០១ គ្រឿង ។
អាជ្ញាធរខណ្ឌដូនពេញបានឲ្យដឹងថា បច្ចុប្បន្នយានយន្តទាំងនោះត្រូវបានញ្ជូនទៅការិយាល័យចរាចរណ៍ជើងគោក នៃស្នងការដ្ឋាននគរបាលរាជធានីភ្នំពេញ ដើម្បីធ្វើកាអប់រំណែនាំបន្តតាមនីតិវិធី៕
