ចិន៖ ស្ពានវែងឆ្លងសមុទ្រវែងជាងគេលើពិភពលោកស្ថិតក្នុងប្រទេសចិនភ្ជាប់ពីហុងកុង ទៅស៊ូហៃ ទៅម៉ាកាវ ត្រូវបានគេឃើញថា មានចរាចរឆ្លងកាត់អំឡុងចុងសប្តាហ៍ដំបូង ពោលគឺក្រោយពេលបើកឲ្យឆ្លងកាត់ជាផ្លូវការ កាលពីថ្ងៃទី២៤ តុលា ២០១៨។ ប្រភពព័ត៌មានពី CGTN បានចេញផ្សាយកាលពីម្សិលមិញថា អំឡុងពេលប៉ុន្មានថ្ងៃមកនេះ មានមនុស្សឆ្លងកាត់ប្រមាណ៧៨០០០នាក់ ហើយចំនួនយានជំនិះឆ្លងកាត់វិញមានប្រមាណ៣០០០គ្រឿង គិតត្រឹមថ្ងៃទី២៨ តុលា ២០១៨។ សូមរម្លឹកថា កាលពីថ្ងៃទី២៣ តុលា កន្លងទៅ លោកប្រធានរដ្ឋចិន ស៊ី ជិនភីង បានអញ្ជើញជាអធិបតីសម្ពោធស្ពានឆ្លងសមុទ្រវែងជាងគេលើពិភពលោកមួយនេះ មុនពេលដាក់ឲ្យប្រើប្រាស់ជាផ្លូវការ នៅថ្ងៃទី២៤ តុលា។ ស្ពានមួយនេះមានប្រវែង៥៥គីឡូម៉ែត្រ ចំណាយថវិកាសាងសង់អស់១៥៧៣០លានយន់ ឬប្រមាណជាង២ពាន់លានដុល្លារ ដោយចំណាយពេលសាងសង់អស់រយៈពេល៩ឆ្នាំ៕ម.ន