ប្រទេសអូស្ត្រាលី និងណូវែលហ្សេឡង់ បានឈ្នះសិទ្ធិធ្វើជាសហម្ចាស់ផ្ទះនៃព្រឹត្តិការណ៍ FIFA Women’s World Cup ឆ្នាំ២០២៣ ក្រោយការបោះឆ្នោតនាមុននេះ សមាជិកសហព័ន្ធបាល់ទាត់ពិភពលោក។

ការបោះឆ្នោតបានព្រឹត្តទៅរួចរាល់ ដោយក្នុងនោះមានបេក្ខភាពតែ ២ចូលរួមប្រជែងនោះគឺ កូឡុំប៊ី និងអូស្ត្រាលី ចាប់ដៃគូជាមួយ ណូវែលហ្សេឡង់។ ខណៈការបោះឆ្នោតចេញជាលទ្ធផលផ្លូវការ ប្រទេសដែនកោះទាំងពីរខាងលើបានទទួលសម្លេងភាគច្រើន។ ក្នុងនោះផងដែរ សម្រាប់តំបន់អាស៊ីអាគ្នេយ៍ទាំង ១១ប្រទេស ក៏បានបោះឆ្នោតព្រមគ្នាដល់ពួកគេរួមផង។

ព្រឹត្តិការណ៍ FIFA Women’s World Cup ឆ្នាំ២០២៣ គឺជាឆ្នាំដំបូងដែលត្រូវបង្កើនក្រុមជម្រើសជាតិនារីឲ្យចូលរួមកើនដល់ ៣២ក្រុម មកពីទ្វីបទាំង ៦ ។ ចំពោះប្រទេសទាំងពីរដែលសហការគ្នាធ្វើសហម្ចាស់ផ្ទះដោយព្រឹត្តិការណ៍នឹងរៀបចំចន្លោះខែកក្កដា ដល់ខែសីហា ។ ក្នុងនោះ អូស្ត្រាលី បានត្រៀមកីឡដ្ឋានសរុប ៨ ចំណែកឯ ណូវែហ្សឡង់ បានត្រៀមកីឡដ្ឋានចំនួន ៥ ៕