ជ័យជំនះរបស់ Chelsea បានធ្វើឲ្យក្រុមហង្សក្រហម Liverpool ក្លាយជាជើងឯក Premier League ជាលើកទី១ ក្រោយខកខានរយៈពេល ៣០ឆ្នាំនៅពេលក្រុមការពារតំណែងជើងឯក Manchester City បានប្រកួតចាញ់ម្ចាស់ផ្ទះ ក្រុមតោខៀវកាលពីយប់មិញក្នុងលទ្ធផល ២ទល់១ ។

តាមការចុះផ្សាយព័តមាន BBC បានអោយដឹងថា ការបរាជ័យរបស់ Manchester City ធ្វើអោយក្រុម Liverpool ដាច់២៣ពិន្ទុគិតត្រឹមសប្តាហ៍ទី៣១ ខណៈនៅសល់តែ ៧ប្រកួតទៀតមុនពេលបិទរដូវកាល។

គួរបញ្ជាក់ថា នេះក៏ជាលើកទី១៩ ដែលក្រុមមានមូលដ្ឋាននៅទីក្រុង Liverpool ឈ្នះជើងឯកលីគ ក្រោយខកខាន៣០ឆ្នាំ ដោយឈ្នះចុងក្រោយនាឆ្នាំ១៩៩០ ៕ធ.ដ