លោកជំទាវ គួយ ណាលីន ឃឹមប៊ុនសុង អនុប្រធានគណៈកម្មាធិការសាខាកាកបាទក្រហមកម្ពុជា ខេត្តសៀមរាប នៅរសៀលថ្ងៃទី២៥ ខែកញ្ញា ឆ្នាំ២០១៨ បានអញ្ជើញចុះជួបសំណេះសំណាល និង ប្រគល់ផ្ទះមនុស្សធម៌ទី៦០ ដែលផ្ដួចផ្ដើមដោយឯកឧត្តមបណ្ឌិត ឃឹម ប៊ុនសុង ប្រធានគណៈកម្មាធិការសាខាកាក បាទក្រហមកម្ពុជាខេត្ត ជូនដល់គ្រួសារពិការទីទ័លក្រ នៅភូមិថ្នល់ដាច់ ឃុំសង្វើយ ស្រុកជីក្រែង ខេត្តសៀមរាប ដែលមានទំហំ ៥ម៉ែត្រx៦ម៉ែត្រ ធ្វើពីឈើ។ ផ្ទះមនុស្សធម៌ទី៦០ ប្រគល់ជូនគ្រួសារលោក មឿត យ៉ស់ អាយុ៤៧ឆ្នាំ និងភរិយាឈ្មោះ ស៊ុត លិស អាយុ៤០ឆ្នាំ ពិការជើងទាំងសងខាងដោយសារជំងឺ និងមានកូន៦នាក់ បច្ចុប្បន្នមានរបរធ្វើស្រែ និងដាំដំណាំបន្ដិចបន្ដួចគ្រាន់ទ្រទ្រង់ជីវភាពគ្រួសារ។