រោងចក្រថាមពលថ្មីមួយតម្លៃ៦ពាន់លានដុល្លារគ្រោងសង់នៅវៀតណាម គាំទ្រដោយអាមេរិក
ក្រុមហ៊ុនវិនិយោគរួមគ្នារវាងអាមេរិកនិងវៀតណាមមានបំណងសាងសង់រោងចក្រថាមពលដើរដោយឧស្ម័នរាវធម្មជាតិ ក្នុងខេត្ត Thua Thien Hue តំបន់កណ្តាលប្រទេសវៀតណាម ក្នុងទំហំវិនិយោគ៦ពាន់លានដុល្លារអាមេរិក។
អគ្គនាយកក្រុមហ៊ុន Chan May LNG គឺលោក John Rockhold បាននិយាយថ្មីៗនេះថា ក្រុមហ៊ុនលោកទទួលបានការគាំទ្រធំពីរដ្ឋាភិបាលអាមេរិក ក្នុងគម្រោងវិនិយោគនេះ ដោយនឹងសាងសង់ជា២ដំណាក់កាល ក្នុងនោះ ពីឆ្នាំ២០២៤ដល់២០២៦ ជាមួយនឹងសមត្ថភាពផលិតថាមពលអគ្គិសនីបានអនុភាព២៤០០ម៉េហ្គាវ៉ាត់ និង ដំណាក់កាលទី២ ពីឆ្នាំ២០២៦ដល់២០២៨ ជាមួយនឹង១៦០០ម៉េហ្គាវ៉ាត់ថែមទៀត។
លោកថា ពេលប្រតិបត្តិការពេញលេញហើយ រោងចក្រនឹងនាំចូលឧស្ម័នតម្លៃប្រមាណ១.២ពាន់លានដុល្លារអាមេរិក ពីអាមេរិក ជាប្រចាំឆ្នាំ ដែលនឹងធ្វើឲ្យពាណិជ្ជកម្មរវាអាមេរិកនិងវៀតណាម មានឳនភាពកាន់តែតូច៕ ប្រភពពី VN Express
