ក្រុមហង្សក្រហម Liverpool កំពុងស្ថិតនៅពីក្រោយក្រុមកំពូលតារាង Premier League គឺ Tottenham Hotspur ក្រោយយកឈ្នះ Leicester City ក្នុងលទ្ធផល៣ទល់នឹង០ កាលពីយប់​មិញ​​នៅកីឡដ្ឋាន Anfield ។ ៣គ្រាប់របស់ហង្សក្រហម រកបានដោយកីឡាករ Jonny Evans នៅ​នាទី​២១ គ្រាប់ទី២រកបានដោយកីឡាករ Diogo Jota នៅនាទី៤១ និង១គ្រាប់​ចុង​ក្រោយ​រក​បានដោយកីឡាករ Roberto Firmino នៅនាទី៨៦ ។ ជ័យជំនះនេះ​បានធ្វើអោយ​ក្រុម​ហង្ស​ក្រហម Liverpool បង្កើតកំណត់ត្រាថ្មី​នៃ​ការ​ប្រកួតលីកក្នុងស្រុកចំនួន ៦៤ ប្រកួតដោយមិនដែលចាញ់ ។

សូមបញ្ជាក់ថា ក្រុមហង្សក្រហម Liverpool ឆ្លងកាត់៩ ប្រកួតឈ្នះ៦ ស្មើ២ ចាញ់១ មាន​២០​ពិន្ទុ ស្ថិតនៅលេខ២ក្នុងតារាង ខណៈ Tottenham Hotspur កំពុងស្ថិតនៅកំពូលតារាង Premier League ដោយឆ្លងកាត់៩ ប្រកួតឈ្នះ៦ ស្មើ២ ចាញ់១ មាន២០ពិន្ទុ ។ បន្ទាប់​ពី​ប្រកួត​នេះ ហង្ស​ក្រហម នឹងត្រូវធ្វើដំណើរទៅជួប Brighton នៅថ្ងៃទី២៨ ខែវិច្ឆិកា ឆ្នាំ២០២០​ខាង​មុខ ។ ហើយ​​សម្រាប់ការប្រកួតកាលពីយប់មិញ មិនមានវត្តមានរបស់​ខ្សែ​ប្រយុទ្ធ Mohamed Salah នោះ​ទេបន្ទាប់ពីបានធ្វើតេស្តវិជ្ជមានវីរុស Covid-19 នៅប្រទេសអេហ្ស៊ីប ៕