គណៈកម្មការវេទិកាសេដ្ឋកិច្ច និងធុរកិច្ចអាស៊ី-អឺរ៉ុប បានបើកកិច្ចប្រជុំពិភាក្សាអំពីវឌ្ឍនភាពការងាររបស់ខ្លួនដែល ជាជំហានត្រៀមរៀបចំវេទិកាសេដ្ឋកិច្ចនិងធុរកិច្ចអាស៊ី-អឺរ៉ុប លើកទី១។ កិច្ចប្រជុំនេះបានប្រព្រឹត្តទៅកាលពីថ្ងៃទី ២៦វិច្ឆិកាឆ្នាំ២០២០ ក្រោមអធិបតីភាពរដ្ឋមន្ត្រីក្រសួងពាណិជ្ជកម្ម លោក ប៉ាន សូរស័ក្ដិ និងមន្ត្រីដែលជាប់ពាក់ ព័ន្ធ។

លោករដ្ឋមន្ត្រីប៉ាន សូរស័ក្ដិ បានថ្លែងថា វេទិកាសេដ្ឋកិច្ចនិងធុរកិច្ចអាស៊ី-អឺរ៉ុបលើកទី១ នេះគឺជាវេទិការបស់អ្នក ដឹកនាំអាជីវកម្មមកពីទ្វីបអាស៊ីនិងទ្វីបអឺរ៉ុប ក្នុងបំណងរួមចំណែកពង្រឹងទំនាក់ទំនងពាណិជ្ជកម្ម និងវិនិយោគរវាង ប្រទេសក្នុងតំបន់ទាំងពីរ។ កិច្ចប្រជុំនេះ គឺជាកិច្ចប្រជុំបើកឆាកមួយដើម្បីការត្រៀមរបស់ក្រុមការងារនៅមុន ការ រៀបចំវេទិកាសេដ្ឋកិច្ច និងធុរកិច្ចអាស៊ី-អឺរ៉ុបលើកទី១៣ដែលនឹងឈានមកដល់នាពេលខាងមុខនេះ។ លោករដ្ឋមន្ត្រីប៉ានសូរស័ក្ត បានថ្លែងថា កិច្ចប្រជុំកំពូលអាស៊ី-អឺរ៉ុបលើកទី១៣ ពិតជាមានសារៈសំខាន់ណាស់ សម្រាប់ប្រទេសកម្ពុជា មិនថាផ្នែកនយោបាយ, សេដ្ឋកិច្ច ឬវប្បធម៌ឡើយ។ លោកបញ្ជាក់ថា បច្ចុប្បន្ន ASEM មានដៃគូចំនួន៥៣ ក្នុងនោះ ២១ប្រទេសមកពីអាស៊ី និង៣០ប្រទេសមកពីអឺរ៉ុប ព្រមទាំងអគ្គលេខាធិការ ដ្ឋាន អាស៊ាន និងសហភាពអឺរ៉ុបផងដែរ៕