កិច្ចប្រជុំរដ្ឋមន្រ្ដីការបរទេសអាស៊ាន-សហភាពអឺរ៉ុបលើកទី២៣ តាមប្រព័ន្ធវីដេអូ គ្រោងនឹងប្រព្រឹត្តទៅនៅ      សប្តាហ៍ក្រោយ។ យោងតាមសេចក្ដីប្រកាសព័ត៌មានរបស់ក្រសួងការបរទេស កិច្ចប្រជុំរដ្ឋមន្ត្រីការបរទេសអា ស៊ាន នឹងប្រព្រឹត្តទៅនៅថ្ងៃទី១ធ្នូ ដែលពីភាគីកម្ពុជានឹងអញ្ជើញចូលរួមដោយលោកឧបនាយករដ្ឋមន្រ្តី ប្រាក់ សុខុន ដែលជារដ្ឋមន្រ្តីការបរទេស។ កិច្ចប្រជុំតាមរយៈប្រពន្ធ័វីដេអូ រវាងរដ្ឋមន្ត្រីអាស៊ានទាំង១០និងសហភាព អឺរ៉ុប គ្រោងនឹងពិនិត្យឡើងវិញអំពីកិច្ចសហប្រតិបត្តិការកន្លងមក និងបច្ចុប្បន្ន ហើយកំណត់ទិសដៅអនាគត សម្រាប់ទំនាក់ទំនងអាស៊ាន និងសហភាពអឺរ៉ុប។ កិច្ចប្រជុំនោះ គ្រោងនឹងផ្លាស់ប្តូរយោបល់ផងដែរអំពីបញ្ហា តំបន់ និងអន្តរជាតិសំខាន់ៗដែលជាកង្វល់ និងផលប្រយោជន៍រួម៕