ភ្នំពេញ  ៖  យោងតាមរបាយការណ៍របស់លោក  ប៊ុន  សត្យា  នាយ ការិយាល័យនគរបាលព្រហ្មទណ្ឌកំរិតស្រាលរាជធានីភ្នំពេញ បានឲ្យដឹងនៅថ្ងៃទី១១  ខែមិថុនា  ឆ្នាំ ២០២០នេះ  កម្លាំងជំនាញរបស់ការិយាល័យបានបញ្ចូនជនសង្ស័យចំនួន ០២ នាក់ក្នុងចំណោមបក្ខពួក៣នាក់ដែលបានប្រព្រឹត្តបទល្មើស អំពើលួច (ម៉ូតូម៉ាកហុងដា SCOOPY-i  ពណ៌ ស សេរីឆ្នាំ ២០១៩ នៅចំណុចមុខហាងលក់បាយយីហោកំពត ផ្លូវលេខ៨៦ ភូមិ៧ សង្កាត់ស្រះចក ខណ្ឌដូនពេញ រាជធានីភ្នំពេញ ទៅតុលាការដេីម្បីផ្ដន្ទទោសតាមច្បាប់  ។

     ជនសង្ស័យទី១-ឈ្មោះ យឿន បូរ៉ាត់ ភេទ ប្រុស អាយុ ២៩ ឆ្នាំ ជនជាតិ ខ្មែរ មុខរបរ មិនពិតប្រាកដ ស្នាក់នៅផ្ទះជួលគ្មានលេខ ផ្លូវព្រះស៊ីសុវត្ថិ សង្កាត់វត្តភ្នំ ខណ្ឌដូនពេញ រាជធានីភ្នំពេញ  ។ និងទី២-ឈ្មោះ អេង សេដ្ឋី ភេទ ប្រុស អាយុ ៣០ ឆ្នាំ ជនជាតិ ខ្មែរ មុខរបរ មិនពិតប្រាកដ  ស្នាក់នៅផ្ទះលេខ៥៨ ផ្លូវលេខ៥៩៨ ភូមិត្រពាំងមៀន សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ ។ 
 ចំណែកវត្ថុតាងចាប់យក
 -ម៉ូតូម៉ាកហុងដា SCOOPY-i  ពណ៌ ស សេរីឆ្នាំ ២០១៩ ពាក់ស្លាកលេខកំពង់ធំ១M៧៥៩៣ និងបណ្ណ័សម្គាល់យានយន្តពាក់ស្លាកលេខកំពង់ធំ១M៧៥៩៣ ចំនួន ០១ សន្លឹក ជារប់ជនរងគ្រោះ  ។

     ជនរងគ្រោះឈ្មោះ វី លីម៉ា ភេទ ស្រី អាយុ ២០ ឆ្នាំ ជនជាតិ ខ្មែរ ស្នាក់នៅផ្ទះជួល ផ្លូវបេតុង សង្កាត់ទួលសង្កែ១ ខណ្ឌឬស្សីកែវ រាជធានីភ្នំពេញ មុខរបរ បុគ្គលិកក្រុមហ៊ុន។ 

     បច្ចុប្បន្ននេះ  ជនសង្ស័យនិងវត្ថុតាងខាងលើ ត្រូវបានសមត្ថកិច្ចជំនាញការិយាល័យកសាងសំណុំរឿងបញ្ជូនទៅសាលាដំបូងរាជធានីភ្នំពេញ ចាត់ការតាមនីតិវិធីច្បាប់ ៕ដោយ ៖  ភារ៉ា  និងប៊ុនធី