ប៉ៃលិន ៖ ក្នុងឱកាសអញ្ជើញជាអធិបតីពិធីបើកបវេសនកាល ឆ្នាំសិក្សាថ្មី ឆ្នាំ២០២០-២០២១ លោកជំទាវ បាន ស្រីមុំ អភិបាលនៃគណៈអភិបាលខេត្តប៉ៃលិន បានគូសបញ្ជាក់ថា ការសិក្សារៀនសូត្រ មិនត្រឹមតែត្រូវអនុវត្តបន្តពេញមួយជីវិតប៉ុណ្ណោះទេ ប៉ុន្តែគឺជាការងារមួយ តម្រូវឱ្យមានការលើកកម្ពស់ និងអភិវឌ្ឍគ្មានទីបញ្ចប់ ដើម្បីផលិតនូវធនធានមនុស្ស ប្រកបដោយគុណភាព និងមានសក្តានុពលសម្រាប់សង្គមជាតិឱ្យមានការរីកចម្រើន ភាពសុខដុម និង ចីរភាពទៀតផង ។

ទន្ទឹម នេះ ការអប់រំត្រូវឆ្លើយតបទៅនឹងទីផ្សារពលកម្ម និងមានដំណើរការឆ្លើយតបទៅ នឹងបរិការណ៍នៃសកល
ភាវូបនីយកម្ម ។ ស្របជាមួយនឹងការប្រកួតប្រជែងផ្នែកសេដ្ឋកិច្ច និងបច្ចេកវិទ្យាព័ត៌មានបាននិងកំពុងទទួល
បាននូវឧត្តមភាពយ៉ាងខ្លាំង ប៉ុន្តែទោះបីជាបច្ចេកវិទ្យាព័ត៌មានមានការអភិវឌ្ឍយ៉ាងខ្លាំងក៏ដោយ ក៏មិនអាច
ទៅជំនួសឱ្យធនធានមនុស្សបានឡើយ។

ជាកិច្ចចាប់ផ្តើម លោក តង់ ធារ៉ា ប្រធានមន្ទីរអប់រំ យុវជន និងកីឡាខេត្ត បានមានមតិស្វាគមន៍និង
ធ្វើរបាយការណ៍គូសបញ្ចាក់ពីសមិទ្ធិផលវិស័យអប់រំ ក្នុងឆ្នាំសិក្សា ២០១៩-២០២០ ពិសេស សមិទ្ធិផលនៃ
ការអនុវត្ត ការធ្វើកំណែទម្រង់ក្នុងវិស័យអប់រំ យុវជន និងកីឡា រយៈពេល០១ឆ្នាំ កន្លងមកក្នុងខេត្តប៉ៃលិន ។
បន្ទាប់ពីបានស្តាប់មតិស្វាគមន៌និងរបាយការណ៌លោកជំទាវ អភិបាលបានអានសារលិខិតសម្តេច
អគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជាជូនអង្គពិធីទាំងមូល។
ថ្លែងក្នុងឱកាសនោះ លោកជំទាវ បានអំពាវនាវដល់លោកគ្រូអ្នកគ្រូ អាណាព្យាបាល មាតា បិតា និង សិស្សានុសិស្សទាំងអស់ សូមខិតខំជួយជម្រុញ បង្រៀន និងសិក្សារៀនសូត្រឱ្យបានខ្ជាប់ខ្ជួនទៀង
ទាត់ពេលវេលា ចៀសឆ្ងាញពីគ្រឿងញៀន ។

បន្តជួយផ្សព្វផ្សាយបន្ថែមទៀតអំពីការរស់នៅបែបគន្លងថ្មី ដើ
ម្បីចៀសវាងឆ្លងនូវជំងឺកូវីដ-១៩ ដោយរក្សាគម្លាតសុវត្ថិភាព ការរក្សាអនាម័យឱ្យបានជាប់ជានិច្ច មិនត្រូវ
មានការជួបជុំគ្នា រាល់ការធ្វើដំណើរ ត្រូវពាក់ម៉ាស និ ងមានទឹកអាកុលឬជែលលាងដៃយកតាមខ្លួនជានិច្ច
ហើយជំងឺកូវីដ-១៩ នេះមិនមែនកើតមានតែនៅប្រទេសកម្ពុជានោះទេ គឺកើតមាននូវទូទាំងសាកលលោក
ដែលធ្វើឲ្យប៉ះពាល់ដល់ការសិក្សា និងសេដ្ឋកិច្ចជាតិទាំងមូល ។

លោកជំទាវ បានរលឹកថា ដោយសារនយោបាយឈ្នះ ឈ្នះ របស់សម្តេចតេជោ ហ៊ុន សែន
ឆ្នួនសន្តិភាពបានផ្ទុះមុនគេនៅប៉ៃលិន ហើយធ្វើឱ្យប្រជាជនកម្ពុជាទូទាំងប្រទេសទទួលបាននូវសុខសន្តិ
ភាពពេញលេញ ព្រមជាមួយនឹងការអភិវឌ្ឍ រីកចំរើនលើគ្រប់វិស័យ ពិសេសបានធ្វើឱ្យវិស័យអប់រំ បានរស់
រានឡើងវិញ ក្នុងការបណ្តុះបណ្តាលធនធានមនុស្ស ប្រកបដោយគុណភាពជាមួយអគារសិក្សាខ្ពស់មានបន្ទប់
រៀនស្អាតធំទូលាយ មានសម្ភារៈសិក្សា ឧបករណ៌ពិសោធន៌ទំនើបគ្រប់គ្រាន់ក្នុងការបង្កលក្ខណៈងាយស្រួល
ដល់សិស្សានុសិស្ស និស្សិត ស្រាវជ្រាវសិក្សា និងបង្កើនសមត្ថភាពជំនាញ។ ក្នុងឱកាសបើកបវេសនកាលឆ្នាំសិក្សា ២០២០-២០២១ នាពេលនេះ លោកជំទាវ ក៏បានឧបត្ថម្ភសម្ភារៈសិក្សា និងថវិកាមួយចំនួនដល់សិស្សានុសិស្ស និងលោកគ្រូអ្នកគ្រូផងដែរ។ ដោយ / គ្រី សម្បត្តិ