មីយ៉ាន់ម៉ា៖ ជនជាតិ មីយ៉ាន់ម៉ា នៅក្នុងប្រទេសថៃ បានរួបរួមគ្នាប្រឆាំងតវ៉ាទៅនឹងការដណ្តើមអំណាច របស់លោកឧត្តមសេនីយ៍ មិន អង់ ឡាយ ជាអគ្គមេបញ្ជាការកងទ័ព មីយ៉ាន់ម៉ា។

ជនជាតិ មីយ៉ានម៉ា បានប្រមូលផ្តុំគ្នាដើម្បីទាមទារឱ្យទាហានដោះលែង អងសាន ស៊ូជី ដោយគ្មានលក្ខខណ្ឌ។ សកម្មជនរបស់យុវជនរំដោះ ( Free youth) របស់ថៃបានចូលរួមលើកទឹកចិត្តដល់ជនជាតិ មីយ៉ាម៉ា ដែលប្រមូលផ្តុំគ្នាទាមទារយកប្រជាធិបតេយ្យ ពីកងទ័ព មីយ៉ាន់ម៉ា ក្នុងពេលនេះ។

នៅក្នុងទីក្រុង រ៉ង់ហ្គូន ដែលជារដ្ឋធានីចាស់របស់មីយ៉ានម៉ា ប្រជាជនបាននាំគ្នាសំដែងនូវការបដិសេធ មិនទទួលយកនូវទង្វើរបស់ក្រុមយោធាក្នុងពេលនេះ ដោយវាយចាន វាយឆាំង និងវាយខ្ទះព្រមទាំងចុចស៊ីផ្លេរថយន្ត ចំនួន៣០នាទី ។

សកម្មភាពនេះបានកើតឡើងក្រោយពីខាងកងទ័ព មីយ៉ានម៉ា ដណ្តើមអំណាចបានចំនួន២ថ្ងៃ៕