បើយោងតាមការចេញផ្សាយរបស់ BBC Sport បានអោយដឹងថា ក្រុមជើងឯកមកពីទ្វីបអាព្រិច Al Ahly បានយកឈ្នះគូប្រជែង Al Duhail ក្នុងលទ្ធផល ១-០ នៃការប្រកួតវគ្គ ៨ក្រុមចុងក្រោយនៅរាត្រីថ្ងៃព្រហស្បតិ៍ ទី០៤ ខែកុម្ភៈ ឆ្នាំ២០២១ ដើម្បីឡើងទៅប៉ះ Bayern Munich ដែលជាជើងឯក UEFA Champions League ប្រចាំទ្វីបអឺរ៉ុប ដែលឈរចាំស្រាប់នៅក្នុងព្រឹត្តិការណ៍ FIFA World Cup 2020 នៅប្រទេសកាតា ។

ជ័យជំនះរបស់ Al Ahly រកបានដោយខ្សែប្រយុទ្ធ Hussein El Shahat នៅនាទី៣០ ដើម្បីជួយក្រុមបន្តដំណើរទៅវគ្គ ៤ក្រុមចុងក្រោយ ដ្បិតពួកគេបានបញ្ចប់ក្នុងចំណាត់ថ្នាក់លេខ៣ កាលពី FIFA World Cup 2006។

សូមបញ្ជាក់ថា ជំនួបរវាង Al Ahly និង Bayern Munich នឹងធ្វើឡើងនៅរាត្រីថ្ងៃចន្ទសប្តាហ៍ក្រោយ នៅពេលក្រុមជើងឯកមកពីទ្វីបអាហ្រ្វិក ៩សម័យកាលមួយនេះ មិនទាន់ចាញ់ការប្រកួតណាមួយនៅឡើយទេ ក្នុងចំណោម ៣២ប្រកួតចុងក្រោយរបស់ពួកគេ៕