សហរដ្ឋអាមេរិកចោទប្រកាន់ជនជាតិកូរ៉េខាងជើង០៣រូបពីបទវាយប្រហារផ្នែកព័ត៌មានវិទ្យាលួចលុយពីធនាគារជុំវិញពិភពលោក១.៣ពាន់លានដុល្លារ
អត្ថបទដោយ៖
ឈឹម ទីណា
អាមេរិក៖ ក្រសួងយុត្តិធម៌អាមេរិក នៅថ្ងៃពុធនេះបានចោទប្រកាន់លើមន្ត្រីចារកម្មយោធាកូរ៉េខាងជើង០៣រូប ពីបទដឹកនាំយុទ្ធនាការវាយប្រហារផ្នែកព័ត៌មានវិទ្យា លួចលុយអេឡិចត្រូនិកគ្រីបតូ និងលុយពីធនាគារជាច្រើន នៅជុំវិញពិភពលោកប្រមាណ១.៣ពាន់លានដុល្លារ ។
ក្រសួងយុត្តិធម៌អាមេរិកបានបញ្ជាក់ថា មន្ត្រីចារកម្មយោធាកូរ៉េខាងជើងជាបុរសទាំង០៣រូបខាងលើ ត្រូវបានគេបញ្ជាក់អត្តសញ្ញាណមានឈ្មោះ លោក ចុន ឆាងយ៉ុក លោក គីម អ៊ីល និងលោក ផាក ជីនយ៉ុក ។
មន្ត្រីទាំងនេះ បម្រើការអោយការិយាល័យស៊ើបការណ៍សម្ងាត់ទូទៅកូរ៉េខាងជើង ដែលជាក្រុមការងារព័ត៌មានវិទ្យា ត្រូវបានអ្នកជំនាញសន្តិសុខស្គាល់ថា ជាក្រុមវាយប្រហារឡាហ្សារឹស ឬ APT 38 ៕ ប្រភព៖ Reuters
ឈឹម ទីណា
តាមរយៈការចូលរួមនៅតាមស្ថាប័នធំៗជាច្រើន រួមមានទូរទស្សន៍ គេហទំព័រ និងបណ្តាញសង្គមនានា បូករួមនឹងជំនាញបន្ថែមក្នុងការសរសេរ កាត់ត និងអាន នឹងផ្ដល់ជូនទស្សនិកជននូវព័ត៌មានដ៏សម្បូរបែបប្រកបដោយទំនុកចិត្ត និងវិជ្ជាជីវៈ។
