យោងតាមក្រសួងសុខាភិបាលនៅថ្ងៃទី១៨មីនាឆ្នាំ២០២១ បានឲ្យដឹងថា គេបានរកឃើញករណីវិជ្ជមានវីរុសកូវិដ-១៩ចំនួន៣៦នាក់ ក្នុងនោះអ្នកដែលពាក់ពន្ធ័នឹងព្រឹត្តិការសហគមន៍២០កុម្ភៈមានចំនួន៣៥នាក់។ ជាមួយគ្នានោះដែរ ក្រសួងសុខាភិបាលក៏បានបញ្ជាក់ដែរថា មានអ្នកជាសះស្បើយពីជំងឺកូវីដ-១៩ចំនួន៥៨នាក់។

កម្ពុជាគិតមកដល់ថ្ងៃ១៨មីនាឆ្នាំ២០២១ មានអ្នកឆ្លងជំងឺកូវីដ-១៩សរុបចំនួន១ពាន់៥៤១នាក់ ក្នុងនោះបានព្យាបាលជាសះស្បើយចំនួន៨៩៨នាក់ នៅសល់៦៤០នាក់កំពុងសម្រាកព្យាបាល និងមានអ្នកស្លាប់ម្នាក់។