ការប្រកួតពានរង្វាន់ UEFA Champions League បានរកឃើញ៨ក្រុមចុងក្រោយហើយ បន្ទាប់ពីធ្វើការប្រកួតជម្រុះចប់កាលពីយប់មិញ ដោយក្រុមការពារតំណែងជើងឯក Bayern Munich បានយកឈ្នះ Lazio ២ទល់១ សរុបទាំង២ជើង ៦ទល់២ ឯក្រុម Chelsea យកឈ្នះ Atletico Madrid ២ទល់០ សរុបទាំង២ជើង ៣ទល់០ ។

៨ក្រុមចុងក្រោយរួមមាន ក្រុម Man City, Bayern Munich , Real Madrid , PSG , Liverpool , Chelsea , Dortmund និង Porto ។ ៨ក្រុមនេះដែរ ក្រុមអ្នកវិភាគសង្កេតឃើញថា មាន៤ក្រុមជាក្រុមខ្លាំង គឺក្រុម Man City , Bayern Munich , Real Madrid និង PSG ។ ចំណែកឯក្រុមទៀតទោះបីធ្វើមិនបានក្នុងលីគកំពូលតែបើរជាលេងល្អ នៅ Champions League គឺក្រុម Liverpool និង Chelsea ។

ក្រៅពីនោះក៏មានក្រុម Porto និង Dortmund ដែលជាក្រុមមិនអាចមើលស្រាលបានដែរ ពីព្រោះអាចឈានដល់វគ្ក៨ក្រុមចុងក្រោយដូចគ្នា ។
សូមបញ្ជាក់ថា ការចាប់ឆ្នោតវគ្គ៨ក្រុមចុងក្រោយ UEFA Champions League នឹងធ្វើឡើងនៅយប់ថ្ងៃសុក្រស្អែកនេះ ៕