ភ្នំពេញ  ៖  នៅវេលាម៉ោ០១ និង៣០នាទី ថ្ងៃទី០៩  ខែឧសភា  ឆ្នាំ ២០២០ កម្លាំងប៉ុស្តិ៍នគរបាលរដ្ឋបាលក្រាំងធ្នង់ បានធ្វើការ ឃាត់ខ្លួនជនសង្ស័យ០១នាក់ ករណីរួមភេទជាមួយអនិតិជន អាយុ១៣ឆ្នាំ នៅចំណុចមុខផ្ទះជួសជុលម៉ូតូសុវណ្ណ ផ្លូវ១៩៦២ ភូមិជាងទង សង្កាត់ក្រាំងធ្នង់ ខណ្ឌសែនសុខ ។
     ជនសង្ស័យ០១នាក់ឈ្មោះ កី អុលឡាវី ភេទប្រុស អាយុ២០ ជនជាតិខ្មែរ មុខរបរជាងជួសជុលម៉ូតូ ស្នាក់នៅផ្ទះសង់ថ្មី ផ្លូវ១៩៦២ ភូមិជាងទង សង្កាត់ក្រាំងធ្នង់ ខណ្ឌសែនសុខ (គ្មានសារធាតុញៀន) បានធ្វើសកម្មភាពរួមភេទជាមួយអនិតិជនអាយុ១៣ឆ្នាំ ជនរងគ្រោះឈ្មោះ(  ផ ន )ភេទស្រី អាយុ១៣ឆ្នាំ ជនជាតិខ្មែរ ស្នាក់នៅ ខណ្ឌសែនសុខ ។
     បច្ចុប្បន្ននេះ  ជនសង្ស័យខាងលេីកំពុងឃាត់ខ្លួននៅអធិការដ្ឋាននគរបាលខណ្ឌសែនសុខ ដើម្បីអនុវត្តតាមនិតិវិធី ៕ដោយ៖  ភារ៉ា  និងប៊ុនធី