អធិការដ្ឋាននគរបាលក្រុងសៀមរាប ទទួលបានគ្រឿងឧបភោគ បរិភោគ ពីអនុប្រធានសភាពាណិជ្ជកម្មមណ្ឌល ខេត្តសៀមរាប-ឩត្តរមានជ័យ
លោកជំទាវ ឩកញ៉ាបណ្ឌិត លី អ៊ុំអេង អនុប្រធានសភាពាណិជ្ជកម្មមណ្ឌលខេត្តសៀមរាប-ឩត្តរមានជ័យកាលពីថ្ងៃទី២៧ ខែមីនា ឆ្នាំ២០២១ បាននាំយកគ្រឿងឧបភោគ បរិភោគ ប្រគល់ជូនដល់លោកវរសេនីយ៍ទោ ដា ចំរើន អធិការនគរបាលក្រុងសៀមរាប ព្រមទាំងកងកម្លាំងក្រោមឱវាទ និងកម្លាំងប្រជាការពារមួយចំនួនទៀត នៅអធិការដ្ឋាននគរបាលក្រុងសៀមរាបផ្ទាល់តែម្តង ។
លោកវរសេនីយ៍ទោ ដា ចំរើន បានសម្តែងនូវក្តីសោមនសរីករាយ ដែលលោកជំទាវ ឩកញ៉ាបណ្ឌិត លី អ៊ុំអេង បាននាំយកគ្រឿងឧបភោគ បរិភោគ មកប្រគល់ជូននាពេលនេះ ដែលជាការសបញ្ជាក់អោយឃើញនៅសកម្មភាពមនុស្សធម៍ នៃវប្បធម៍ចែករំលែកធនធានផ្ទាល់ខ្លួន ដើម្បីជាការលើកទឹកចិត្តដល់កងកម្លាំងសមត្ថកិច្ចនិងកម្លាំងប្រជាការពារដែលឈរជើងនៅតាមគោលដៅមួយចំនួនក្នុងភូមិសាស្ត្រក្រុងសៀមរាប ចំពោះការផ្អាកការធ្វើចរាចរណ៍ចេញ-ចូលបណ្តោះអាសន្ននៅតាមផ្លូវមួយចំនួន ដើម្បីបង្ការទប់ស្កាត់ ការរីករាលដាលនៃជំងឺកូវីដ-១៩ ក្នុងសហគមន៍ ។
លោកជំទាវ ឩកញ៉ាបណ្ឌិត លី អ៊ុំអេង បានថ្លែងការកោតសរសើរខ្ពស់ចំពោះសមត្ថកិច្ច និងកម្លាំងប្រជាការពារ ដែលបានសហការគ្នាបានយ៉ាងល្អ នៅការអនុវត្តតួនាទីភារ:កិច្ចរៀងៗខ្លួន ប្រកបដោយប្រសិទ្ធថ្វេដង ។ ពិសេសលើការប្រចាំការយាមល្បាតទាំងថ្ងៃ ទាំងយប់ ដោយមិនគិតពីការនឿយហត់នៅតាមគោលដៅនីមួយៗដែលគណៈបញ្ជាការរដ្ឋបាលឯកភាពក្រុង និងខេត្ត បានដាក់បទបញ្ជា នៃការបិទការធ្វើដំណើរជាបណ្តោះអាសន្ននូវផ្លូវមួយចំនួន ដើម្បីបង្ការទប់ស្កាត់ ការរីករាលដាលនៃជំងឺកូវីដ-១៩ ក្នុងសហគមន៍ផងដែរ ។
លោកជំទាវ បានធ្វើការអំពាវនាវ ដល់សមត្ថកិច្ច និងកម្លាំងប្រជាការពារទាំងអស់ដែលមានវត្តក្នុងពិធីនេះធ្វើយ៉ាងបន្តការផ្សព្វផ្សាយដល់ប្រជាពលរដ្ឋបន្ថែមទៀត ជាស្មារតីក្រើនរំលឹកនៃការចូលរួមទប់ស្កាត់ការឆ្លងជំងឺកូវីដ-១៩ ដើម្បីខ្លួនយើង គ្រួសារយើង មនុស្សជាទីស្រលាញ់ និងខេត្តរបស់យើង តាមរយៈការអនុវត្តនូវវិធានការរបស់ប្រមុខរាជរដ្ឋាភិបាល៣ការពារ និង៣កុំ។
គ្រឿងឧបភោគ បរិភោគដែលឧបត្ថមរួមមាន៖ អង្ករ ១០០ការ៉ុង ,មី ចំនួន ៤០កេស/ ទឺកត្រី ២០យួ និងថវិកាចំនួន ៥០០.០០០ រៀល (ហាសិបម៉ឺនរៀល ) ព្រមទាំងបានចែកជូនដល់កងកម្លាំង ក្នុងម្នាក់ៗទទួលបានថវិកាចំនួន ២០.០០០ រៀល ( ពីរម៉ឺនរៀល ) ផងដែរ ៕ ដោយលោក ខេង ខេមរា
