មណ្ឌលគិរីៈ នារីក្រមុំវ័យ១៨ឆ្នាំម្នាក់បានស្លាប់នៅពាក់កណ្ដាលផ្លូវកំឡុងពេលបញ្ជូនទៅសង្គ្រោះនៅមណ្ឌលសុខភាពអូរអាម រួមទាំងលោកអធិការរងម្នាក់ទៀតបានរងរបួសក្នុងហេតុការណ៍រន្ទះបាញ់ ដែលបានកើតឡើង នៅវេលាម៉ោង៩:២០នាទី ថ្ងៃទី១៦មេសា២០២១ ។

សមត្ថកិច្ចមូលដ្ឋានបានរាយការថាមានភ្លៀង១មេធំបានបង្អុរមកនៅព្រឹកនេះហើយក៏មាន ករណីរន្ទះបាញ់ដែលកើតឡើងនៅគីឡូ 37 ភូមិត្រពាំងផ្អេរ ឃុំស្រែខ្ទុម ស្រុកកែវសីមា ខេត្តមណ្ឌលគិរីបណ្តាលអោយជនរងគ្រោះ
ឈ្មោះ គង់ ច្រិច ភេទស្រី អាយុ១៨ឆ្នាំ ជនជាតិខ្មែរ មុខរបរកសិករ រស់នៅភូមិឃុំខាងលើបានស្លាប់ (ស្លាប់)។

សមត្ថកិច្ចបន្តថាក្នុងហេតុការដដែលក៏បានបង្ករអោយជនរងគ្រោះម្នាក់ទៀតឈ្មោះ កែវ សាវុធហៅមុត ភេទប្រុស អាយុ៥២ មុខរបរ អធិការរងស្រុកកែវសីមា( របួសស្រាល)ដែលកើតឡើងនៅ ចំណុចចរាចរណ៍បិតការឆ្លងខេត្តនាភូមិឆ្នែង ឃុំស្រែខ្ទុម ស្រុកកែវសីមា ខេត្តបណ្ឌលគីរី។

បច្ចុប្បន្ន សពឈ្មោះ គង់ ច្រិច ត្រូវបានបងប្អូនយកទៅធ្វើបុណ្យតាមប្រពៃណី ចំណែក ឈ្មោះ កែវ សាវុធ កំពុងព្យាបាលនៅមណ្ឌលសុខភាពអូរអាម៕ដោយៈសាតចាន់បុត្រ