ភ្នំពេញ ៖ លោក ឌី រ័ត្នខេមរុណ អភិបាលរង ខណ្ឌមានជ័យ បានទទួល ម៉ាស់ ១០,០០០ ម៉ាស់ ពី ឯកឧត្ដម សោម អូន រដ្ឋលេខាធិការក្រសួងការងារ និងបណ្តុះបណ្តាលវិជ្ជាជីវៈ ជាមួយគ្នានេះដែរ លោកអភិបាលរង បានថ្លែងអំណរគុណ ដល់ ឯកឧត្ដម សោម អូន ដែលបានឧបត្ថម្ភ ម៉ាស់ ១០,០០០ ម៉ាស់ ដល់រដ្ឋបាលខណ្ឌមានជ័យ នៅព្រឹក ថ្ងៃអាទិត្យ ១៤កើត ខែពិសាខ ឆ្នាំឆ្លូវ ត្រីស័ក ព.ស ២៥៦៥ ត្រូវនិងថ្ងៃទី ២៥ ខែ មេសា ឆ្នាំ២០២១ ។

បន្ទាប់ពីទទួលបាន ម៉ាស់ រួចមក នាព្រឹកថ្ងៃដដែលនេះ លោក ឌី រ័ត្នខេមរុណ អភិបាលរងខណ្ឌមានជ័យ បានបែងចែកទៅរដ្ឋបាលសង្កាត់ទាំង៧ និងប៉ុស្តិ៍រដ្ឋបាលទាំង៧៖

-ដោយមួយសង្កាត់ ទទួលបាន ១០ប្រអប់ សរុប ៧០ប្រអប់
-ដោយមួយប៉ុស្តិ៍ ១០ប្រអប់ សរុប ៧០ប្រអប់ រួួមទាំងទីបញ្ជាការស្រាល ១កេសធំ ស្មើនឹង ៥០ ប្រអប់ ។

• សរុបរួម លោកអភិបាលរង បានបែងចែកម៉ាស់ ទៅរដ្ឋបាលសង្កាត់-ប៉ុស្តិ៍ ទាំង៧ និងទីបញ្ជាការស្រាល អស់ចំនួន ១៩០ ប្រអប់ ។

នាឱកាសនោះដែរ លោក ឌី រ័ត្នខេមរុណ អភិបាលរង ខណ្ឌមានជ័យ បានថ្លែងអំអគុណ និងកោតសរសើរខ្ពស់ចំពោះការលះបង់ និងកិច្ចខិតខំប្រឹងប្រែង យកចិត្តទុកដាក់ ក្នុងការការពារបងប្អូនដែលកំពុងធ្វើចត្តាឡីស័ក និងមណ្ឌលចត្តាឡីស័ក នៅរដ្ឋបាលសង្កាត់ទាំង៧ ជាពិសេសក្នុងតំបន់ក្រហម ដែលកំលាំងប៉ុស្តិ៍ សង្កាត់ យើងបានខិតខំប្រឹងប្រែងចុះល្បាតតាមគោលដៅ ទាំងយប់ ទាំងថ្ងៃ ដោយមិនគិតពីកការនើយហត់ឡើយ ។ ទន្ទឹមនឹងនេះ លោកអភិបាលរង ក៍បានពាំនាំអោយបងប្អូនទាំងអស់ ចូលរួមអនុវត្តនូវសេចក្ដីសម្រេច របស់ រាជរដ្ឋាភិបាល ក្នុងកំឡុងពេលបិទខ្ទប់ភូមិសាស្ត្ររាជធានីភ្នំពេញ និងក្រុងតាខ្មៅ ប្រសិនបើគ្មានការចាំបាច់ទេ សុំកុំចេញពីផ្ទះ ៕ ដោយ / គ្រី សម្បត្តិ