ក្រុម Man City យកឈ្នះ Paris Saint Germain ទាំងពីរជើង ឡើងទៅវគ្គផ្តាច់ព្រ័ត្រ Champions Leagueជាលើកដំបូង
អត្ថបទដោយ៖
សារ៉ាន ទីងី
ក្រុមមេឃខៀវ Manchester City បានឈានដល់វគ្គផ្តាច់ព្រ័ត្រនៃក្របខ័ណ្ឌ Champions League លើកដំបូងក្រោយយកឈ្នះ Paris St-Germain ក្នុងលទ្ធផល ២:0 នៅឯកីឡដ្ឋាន Etihad នៅជើងទាំងពីរ។
២គ្រាប់កាលពីយប់មិញ របស់ Manchester City រកបានដោយកីឡាករ Riyad Mahrez ទាំងពីរគ្រាប់ នៅនាទី ១១ និងនាទី៦៣ ដើម្បីជួយ មេឃខៀវ យកឈ្នះក្រុមអ្នកមានបារាំង ២:០ ។
សូមបញ្ជាក់ថា Manchester City បានយកឈ្នះ PSG នៅវគ្គពាក់កណ្ដាលផ្ដាច់ព្រ័ត្រ Champions League សរុបទាំងពីរជើង City ឈ្នះ PSG ៤-១ ។ សម្រាប់ការប្រកួតយប់នេះ ក្រុមស្តេចសរ Real Madrid នឹងត្រូវជួប តោខៀវ Chelsea ដើម្បីប្រជែងកៅអីឡើងទៅជួប Manchester City ដែលឈរចាំនៅវគ្គផ្តាច់ព្រ័ត្រ Champions Leagu ៕
សារ៉ាន ទីងី
លោក សារ៉ាន ទីងី ជាអ្នកសរសេរព័ត៌មានកីឡា មានជំនាញផ្នែកកាត់-ត វីដអូ អាចថតសរសេរ អត្ថបទ បញ្ចូលសម្លេង។ សព្វថ្ងៃ លោកមានតួនាទីផលិតព័ត៌មានកីឡា ដាក់ទាំងវេបសាយ ទាំងទូរទស្សន៍របស់ស្ថាននីយវិទ្យុ និងទូរទស្សន៍អប្សរា។
