កូវីដថ្ងៃនេះ! ថៃស្លាប់ប្រចាំថ្ងៃច្រើនបំផុត វៀតណាមឆ្លងប្រចាំថ្ងៃដ៏ខ្ពស់
អត្ថបទដោយ៖
លន់ សារ៉ាត
ករណីឆ្លងប្រចាំថ្ងៃនៃជំងឺកូវីដ-១៩ របស់ប្រទេសវៀតណាម បានកើនលើស១០០ករណីជាលើកដំបូង ក្នុងនោះចំនួនសរុប ក្នុងថ្ងៃទី១០ ឧសភានេះ បានកើនឡើងដល់ ១០៩ករណី ដែលជាកម្រិតខ្ពស់បំផុតចាប់តាំងពីជំងឺរាតត្បាតផ្ទុះឡើងនៅប្រទេសវៀតណាម។
គួរបញ្ជាក់ថា នៅទូទាំងប្រទេសវៀតណាម មានករណីឆ្លងសហគមន៍ចំនួន៤៤២ករណី នៅក្នុងទីក្រុងនិងខេត្តចំនួន២៦ ត្រូវបានកត់ត្រាចាប់តាំងពីចុងខែមុនមក។
រីឯប្រទេសថៃវិញ នៅថ្ងៃត្រង់នេះបានប្រកាសពីការស្លាប់មនុស្ស២២នាក់ដោយសារតែជំងឺកូវីដ១៩ ជាចំនួនស្លាប់ប្រចាំថ្ងៃដ៏ច្រើនបំផុត ពុំធ្លាប់មាន។ ក្រៅពីស្លាប់២២នាក់ មានឆ្លងថ្មីៗចំនួន១៣២១ករណីទៀតផងដែរ សម្រាប់របាយការណ៍ នាថ្ងៃទី១០ ឧសភានេះ៕
លន់ សារ៉ាត
ខ្ញុំបាទ លន់ សារ៉ាត ជាពិធីករអានព័ត៌មាន និងជាពិធីករសម្របសម្រួលកម្មវិធីផ្សេងៗ និងសរសេរព័ត៌មានអន្តរជាតិ
