ភ្នំពេញ៖ យោងតាមក្រសួងសុខាភិបាលនៅថ្ងៃទី៣០ឧសភាឆ្នាំ២០២១ បានឲ្យដឹងថា ក្រសងបានរកឃើញអ្នកវិជ្ជមានកូវីដ-១៩ថ្មីចំនួន៥៧៩នាក់ ដែលក្នុងនោះអ្នកដំណើរមកពីបរទេសថ្មីចំនួន២១នាក់។ ជាមួយគ្នានេះ ក្រសួងសុខាភិបាលប្រកាសថា នៅថ្ងៃ២៧ឧសភា មានអ្នកជាសះស្បើយពីជំងឺកូវីដ-១៩ ចំនួន៥០២នាក់។ យោងតាមរបាយការណ៍របស់ក្រសួងសុខាភិបាល គិតមកដល់ថ្ងៃទី៣០ឧសភាឆ្នាំ២០២១ កម្ពុជាមានអ្នកឆ្លងជំងឺកូវីដ-១៩សរុប ចំនួន ២៩,៤០៤នាក់ ក្នុងនោះបានព្យាបាលជាសះស្បើយថ្មីចំនួន៨៧៣នាក់ ។ ដោយឡែកនៅថ្ងៃនេះ ក៏មានអ្នកស្លាប់ចំនួនថ្មីចំនួន៦នាក់ ដែលនាំឲ្យ កម្ពុជាមានអ្នកស្លាប់ដោយសារជំងឺកូវីដ-១៩ចំនួន២០៩នាក់៕