បើតាមការចុះផ្សាយរបស់ BBC Sport នៅថ្ងៃនេះបានអោយដឹងថា ខ្សែបម្រើប្រយុទ្ធ Kevin de Bruyne របស់ក្រុមមេឃខៀវ Manchester City បានរងរបួសបាក់ច្រមុះ និងភ្នែក នៅវគ្គផ្តាច់ព្រ័ត្រ Champions League ទល់នឹងក្រុមតោខៀវ Chelsea កាលពីចុងសប្តាហ៍ ។

កីឡាករវ័យ២៩ឆ្នាំរូបនេះ ត្រូវបានប្តូរចេញនៅនាទី ៦០ ជំនួសដោយ Gabriel Jesus បន្ទាប់ពីប៉ះទង្គិចជាមួយកីឡាករ Antonio Rudiger ។ បន្ទាប់ពីប្រកួតចប់ Kevin de Bruyne បានសរសេរ នៅលើបណ្តាញសង្គមថា “ខ្ញុំមានអារម្មណ៍ថាមិនអីទេ ឥឡូវនេះនៅតែខកចិត្ត ប៉ុន្តែយើងនឹងត្រលប់មកវិញ” ។

សូមបញ្ជាក់ថា Kevin De Bruyne មានភារៈកិច្ចមួយទៀតកឺជួយក្រុមជម្រើសជាតិ Belgium នៅព្រឹត្តការណ៍ Euro ២០២០ ដោយប្រកួតដំបូង ប៉ះ រុស្ស៊ី នៅថ្ងៃទី១២ ខែមិថុនា ៕