កូវីដ១៩៖ ទីបំផុត! វៀតណាមពិចារណាប្រើវ៉ាក់សាំងចិនដែរ
ក្រសួងសុខាភិបាលវៀតណាមបានអះអាង កាលពីថ្ងៃទី១ មិថុនា ២០២១ថា ខ្លួនកំពុងពិចារណាផ្តល់ការអនុម័តឲ្យប្រើប្រាស់បន្ទាន់ នូវវ៉ាក់សាំងកូវីដ១៩ ប្រភេទ ស៊ីណូហ្វាម ផលិតនៅប្រទេសចិន។
អ្នកនាំពាក្យរដ្ឋបាលថ្នាំពេទ្យវៀតណាមថា ក្រុមជំនាញកំពុងធ្វើការលើការងារនេះ មិនថា ចុងសប្តាហ៍ទេក៏ធ្វើដែរ ក្នុងការវាយតម្លៃលើវ៉ាក់សាំងនេះ ហើយក៏ធ្វើការជាមួយចិន ក្នុងការស្វែងរកព័ត៌មាននានាបន្ថែមផងដែរ។
ប្រទេសវៀតណាម បច្ចុប្បន្ននេះ បានអនុម័តឲ្យប្រើប្រាស់វ៉ាក់សាំង២ប្រភេទ គឺ មួយរបស់រុស្ស៊ី Sputnik V និង AstraZeneca របស់អង់គ្លេស-ស៊ុយអែត។
វៀតណាមមានផែនការរកវ៉ាក់សាំង១៥០លានដូស ក្នុងឆ្នាំ២០២១នេះ ដើម្បីចាក់ជូនពលរដ្ឋប្រមាណ៧០ភាគរយ នៃចំនួនប្រជាជនសរុប៕ ប្រភពពី VNexpress
