ម៉ាឡេស៊ីបន្តពន្យាការបិទខ្ទប់ប្រទេសថែមទៀត ដើម្បីទប់ស្កាត់ការឆ្លងកូវីដ-១៩
ប្រទេសម៉ាឡេស៊ីគឺជាប្រទេសឆ្លងខ្ពស់ទី៣ ក្នុងអាស៊ាន បន្ទាប់ពីប្រទេសឥណ្ឌូណេស៊ី និងប្រទេសហ្វីលីពីន។ យោងតាមទីភ្នាក់ងាររ៉យតឺ ការបិទខ្ទប់នៅប្រទេសម៉ាឡេស៊ី នឹងត្រូវផុតកំណត់នៅថ្ងៃច័ន្ទនេះ ប៉ុន្តែនាយករដ្ឋមន្ត្រីម៉ាឡេស៊ី លោក មូហ៊ីយីឌីន យ៉ាស៊ីន បានដាក់បទបញ្ជាការបន្តពន្យាការបិទខ្ទប់បន្ថែមទៀតរហូតលុះត្រាតែការឆ្លងប្រចាំថ្ងៃធ្លាក់ចុះក្រោម ៤ពាន់ករណី។ ប្រទេសម៉ាឡេស៊ី ក្នុងសប្តាហ៍កន្លងមកនេះ មានការឆ្លងកូវីដ-១៩ប្រចាំថ្ងៃជាង៥ពាន់ករណី និង ការស្លាប់ក៏មានចំនួនច្រើនរៀងរាល់ថ្ងៃផងដែរ៕
ធី ដា
លោក ធី ដា ជាបុគ្គលិកផ្នែកព័ត៌មានវិទ្យានៃអគ្គនាយកដ្ឋានវិទ្យុ និងទូរទស្សន៍ អប្សរា។ លោកបានបញ្ចប់ការសិក្សាថ្នាក់បរិញ្ញាបត្រជាន់ខ្ពស់ ផ្នែកគ្រប់គ្រង បរិញ្ញាបត្រផ្នែកព័ត៌មានវិទ្យា និងធ្លាប់បានប្រលូកការងារជាច្រើនឆ្នាំ ក្នុងវិស័យព័ត៌មាន និងព័ត៌មានវិទ្យា ៕
