ទីក្រុងមួយនៅវៀតណាមតេស្តសំណាកមនុស្ស៥លាននាក់ ១០ថ្ងៃ
ទីភ្នាក់ងារសារព័ត៌មាន VNexpress បានចេញផ្សាយថា ក្រុមការងារទីក្រុងហូជីមិញបាននិងកំពុងប្រមូលមនុស្សប្រមាណ៥លាននាក់យកមកតេស្តកូវីដ១៩ ក្នុងពេល១០ថ្ងៃ។ ប្រភពថា ចាប់តាំងពីថ្ងៃទី២៦ មិថុនាមក ដើម្បីបំពេញគោលដៅតេស្តសំណាកនោះ ក្រុមគ្រូពេទ្យ១ពាន់នាក់បានតេស្តទាំងយប់ លើសំណាកមនុស្ស ទាំង២១ខណ្ឌ និងក្រុង Thu Duc ។
ការតេស្តនេះកើតមានខណៈដែលវៀតណាមកំពុងផ្ទុះក្នុងសហគមជាថ្មី នៃជំងឺកូវីដ១៩ ក្នុងនោះ ក្រុងហូជីមិញ រកឃើញច្រើនជាងគេ។
កាលពីថ្ងៃទី១ កក្កដា វៀតណាមបានប្រកាសពីការរកឃើញឆ្លងក្នុងសហគមចំនួន២៥៨ករណី ក្នុងនោះ ច្រើនជាងពាក់កណ្តាល មាននៅហូជីមិញ៕
លន់ សារ៉ាត
ខ្ញុំបាទ លន់ សារ៉ាត ជាពិធីករអានព័ត៌មាន និងជាពិធីករសម្របសម្រួលកម្មវិធីផ្សេងៗ និងសរសេរព័ត៌មានអន្តរជាតិ
