សហព័ន្ធខ្មែរកីឡាហែលទឹក រៀបចំការប្រកួតបាល់ទឹក ដើម្បីអបអរទិវាហែលទឹកអន្តរជាតិ   (FINA World Aquatics Day)  និងការផ្សព្វផ្សាយពីវិញ្ញាសាថ្មីមួយនេះផងដែរ នេះ​ជាបញ្ជាក់​របស់លោក  ហែម  គីរី  អគ្គលេខាធិការសហព័ន្ធខ្មែរកីលាហែលទឹក នៅពហុកីឡដ្ឋាន​ជាតិ មរតកតេជោ សង្កាត់ព្រែកតាសេក ខណ្ឌជ្រោយចង្វា រាជធានីភ្នំពេញ ។

លោក  ហែម  គីរី  បានបន្ថែមទៀថា  ទិវាហែល​ទឹក​​​​​​​​​​​​អន្តរជាតិ  (FINA World Aquatics Day)នេះ តាមពិតត្រូវធ្វើតាំងពីខែឧសភាមកម្ល៉េះ ប៉ុន្តែដោយសារតែការរីករាល​ដាល​ជំងឺ​កូវីដ-១៩  សហព័ន្ធបានលើកពេលជាបន្តបន្ទាប់រហូតមកដល់ពេលនេះ​ ។

អគ្គលេខាធិការ​ បាន​បញ្ជាក់​បន្ថែមថា  ការយកវិញ្ញាសាបាល់ទឹកមកប្រកួតនេះ គឺចង់បំផុសឲ្យប្រជាពលរដ្ឋបានដឹង នឹង​ស្គាល់  ជាពិសេសចង់​បង្កើន​​​ប្រជាប្រិយភាពអោយកាន់តែខ្លាំងទូទាំងប្រទេស ។

គួររំលឹកថា  ការយកវិញ្ញាសាបាល់ទឹក មកប្រកួតអបអរទីវាហែលទឹកអន្តជាតិនេះ ធ្វើឡើងតាម​គោល​ការណ៍របស់ឯ ឧ ស៊ុន ចាន់ថុល ប្រធានសហព័ន្ធខ្មែរកីឡាហែលទឹក ដើម្បីបំផុស និងផ្សព្វផ្សាយ​អោយកាន់តែមានសកម្មភាព នៅកម្ពុជា ។ រីឯការប្រកួតមិត្តភាពខាងលើ មានការចូលរួមពីកីឡាករ  កីឡាការិនី ដែលកំពុងហ្វឹកហាត់ នៅពហុកីឡដ្ឋានមរតកតេជោផ្ទាល់តែម្តង   ៕