យោងតាមក្រសួងសុខាភិបាលនៅថ្ងៃទី១៣ កក្កដាឆ្នាំ២០២១ បានឲ្យដឹងថា នៅថ្ងៃ១២ កក្កដា ឆ្នាំ២០២១ គេបានរកឃើញអ្នកវិជ្ជមានកូវីដ-១៩ចំនួន៨៣០នាក់ ដែលក្នុងនោះអ្នកដំណើរមកពីបរទេសចំនួន២១៧នាក់ និងករណីឆ្លងសហគមន៍ ៦១៣នាក់។ ជាមួយគ្នានេះ ក្រសួងសុខាភិបាលប្រកាសថា នៅថ្ងៃនេះ មានអ្នកជាសះស្បើយពីជំងឺកូវីដ-១៩ ចំនួន១ពាន់១២នាក់ និងមានអ្នកស្លាប់២៨នាក់។

យោងតាមរបាយការណ៍របស់ក្រសួងសុខាភិបាល គិតមកដល់ថ្ងៃទី១១កក្កដាឆ្នាំ២០២១ កម្ពុជាមានអ្នកឆ្លងជំងឺកូវីដ-១៩ ចំនួន៦ម៉ឺន២ពាន់៧០០នាក់ ក្នុងនោះបានព្យាបាលជាសះស្បើយចំនួន៥ម៉ឺន៤ពាន់៤៨៩នាក់ និងអ្នកស្លាប់ដោយសារជំងឺកូវីដ-១៩ចំនួន៩៥៣នាក់ហើយ។