ថៃឆ្លងកូវីដជាង៤ម៉ឺននាក់ ត្រឹម៤ថ្ងៃ
អត្ថបទដោយ៖
លន់ សារ៉ាត
នាព្រឹកថ្ងៃទី២០ កក្កដា ២០២១នេះ ក្រសួងសុខាភិបាលថៃបានបន្តប្រកាសពីការឆ្លងប្រចាំថ្ងៃ ជាង១ម៉ឺននាក់ទៀត ជាការឆ្លងប្រចាំថ្ងៃ ជាង១ម៉ឺននាក់ ៤ថ្ងៃជាប់ៗគ្នាមកហើយ ដូច្នេះ ត្រឹម៤ថ្ងៃ ថៃឆ្លងថ្មីជាង៤ម៉ឺនករណី។
ក្រសួងក៏បានប្រកាសពីស្លាប់មនុស្ស៨០នាក់ទៀត ដោយសារតែជំងឺនេះ ក្នុងពេល២៤ម៉ោងចុងក្រោយនេះដែរ។
ជាមួយនឹងការឆ្លងថ្មី ១១៣០៥នាក់ទៀតនេះ ធ្វើឲ្យថៃឆ្លងសរុបកើនដល់៤២៦៤៧៥នាក់ហើយ ស្លាប់វិញ កើនដល់៣៥០២នាក់ហើយដែរ។
ខណៈឆ្លងប្រចាំថ្ងៃ ជាង១ម៉ឺននាក់នោះ នាយករដ្ឋមន្ត្រីថៃកំពុងធ្វើការពីផ្ទះ ព្រោះមានទំនាក់ទំនងជាមួយអ្នកជំងឺកូវីដ១៩៕
លន់ សារ៉ាត
ខ្ញុំបាទ លន់ សារ៉ាត ជាពិធីករអានព័ត៌មាន និងជាពិធីករសម្របសម្រួលកម្មវិធីផ្សេងៗ និងសរសេរព័ត៌មានអន្តរជាតិ
