ភូមាមានស្លាប់មនុស្សព្រោះកូវីដ ចំនួន៣៦៥នាក់ទៀត ក្នុងពេល២៤ម៉ោង
ចំនួនមនុស្សស្លាប់ព្រោះជំងឺកូវីដ១៩នៅប្រទេសមីយ៉ាន់ម៉ាបានកើនឡើង ដល់៨២១០នាក់ហើយ ក្រោយពេលរកឃើញស្លាប់ថ្មីៗចំនួន៣៦៥នាក់ទៀត ក្នុងពេល២៤ម៉ោង នេះបើយោងតាមការចេញផ្សាយរបស់ក្រសួងសុខាភិបាលនិងកីឡា នាថ្ងៃពុធទី២៨ កក្កដា ២០២១ម្សិលមិញ។
ប្រភពបន្តថា ក្រៅពីនេះ ក៏មានការឆ្លងថ្មីៗ ចំនួន៤៩៨០នាក់ទៀត នាំឲ្យឆ្លងសរុបកើនដល់ ២៨៤០៩៩នាក់ហើយ ខណៈដែលករណីជាសះស្បើយសរុបមានចំនួន១៩៧៩៩៤នាក់។ មីយ៉ាន់ម៉ាបានរកឃើញករណីឆ្លងកូវីដ លើកដំបូង កាលពីថ្ងៃទី២៣ មីនា ២០២០។
ជាមួយនឹងកំណើនខ្លាំងបែបនេះ មីយ៉ាន់ម៉ាបានប្រកាសស្នើសុំជំនួយអន្តរជាតិជាបន្ទាន់ហើយ៕
លន់ សារ៉ាត
ខ្ញុំបាទ លន់ សារ៉ាត ជាពិធីករអានព័ត៌មាន និងជាពិធីករសម្របសម្រួលកម្មវិធីផ្សេងៗ និងសរសេរព័ត៌មានអន្តរជាតិ
