កូវីដ៖ ថៃឆ្លងជាង១ម៉ឺន៧ពាន់នាក់ ស្លាប់មនុស្ស២៤២នាក់ទៀត
នៅប្រទេសថៃ មានមនុស្សស្លាប់ព្រោះជំងឺកូវីដ១៩ ចំនួន២៤២នាក់ទៀត និងឆ្លងថ្មី១៧៤៩១នាក់ទៀត ក្នុងរយៈពេល២៤ម៉ោងចុងក្រោយមកនេះ នេះបើតាមក្រសួងសុខាភិបាលប្រកាសនាព្រឹកថ្ងៃចន្ទ ទី២៣ សីហា ២០២១នេះ។
យ៉ាងណាក៏ដោយ ២៤ម៉ោងមកនេះ ក៏មានអ្នកជំងឺ២២១៣៤នាក់ទៀតបានជាសះស្បើយ ចាកចេញពីមន្ទីរពេទ្យដែរ។ ក្នុងចំណោមករណីឆ្លងថ្មី នៅតែបន្តមានអ្នកឆ្លងក្នុងពន្ធនាគារចំនួន៣៩៨នាក់ទៀត។
ចាប់តាំងពីមានកូវីដ១៩ ដើមឆ្នាំមុនមក ថៃមានឆ្លងកើនដល់១,០៦៦,៧៨៦នាក់ហើយ ជាសះស្បើយ ៨៦១,៤៦៨នាក់ ស្លាប់មនុស្សព្រោះជំងឺនេះបានកើនដល់ ៩៥៦២នាក់៕
លន់ សារ៉ាត
ខ្ញុំបាទ លន់ សារ៉ាត ជាពិធីករអានព័ត៌មាន និងជាពិធីករសម្របសម្រួលកម្មវិធីផ្សេងៗ និងសរសេរព័ត៌មានអន្តរជាតិ
