ខេត្តរតនគិរី បានបន្តរកឃើញអ្នកឆ្លងជំងឺកូវីដ១៩ ចំនួន ១៨នាក់ ថែមទៀត ក្នុងរយៈពេល ២៤ម៉ោង ចុងក្រោយ នេះ ដែលជាតួលេខឆ្លងកើនឡើងចំនួន ៧នាក់ ធៀបនឹងការរកឃើញកាលពីម្សិលមិញ ។

យោងតាមរដ្ឋបាលខេត្តអ្នកឆ្លងថ្មីទាំងនោះ គឺជាពលរដ្ឋរស់នៅក្នុងក្រុងបានលុងចំនួន ២នាក់, ស្រុកកូនមុំ ចំនួន ១៦នាក់ ។ ខេត្តរតនគិរី គិតរហូតមកទល់នឹងពេលនេះ មានអ្នកឆ្លងជំងឺកូវីដ១៩ សរុបចំនួន ១ពាន់ ៥នាក់, អ្នកជា សះស្បើយឡើងវិញមានចំនួន ៧០៣នាក់ និងមានអ្នកស្លាប់ចំនួន ៧នាក់ ៕