យោងតាមក្រសួងសុខាភិបាលនៅថ្ងៃទី២៥ សីហា ឆ្នាំ២០២១ បានឲ្យដឹងថា នៅថ្ងៃ២៤ សីហាឆ្នាំ២០២១ គេបានរកឃើញអ្នកវិជ្ជមានកូវីដ-១៩ ចំនួន ៤២៨នាក់ ដែលក្នុងនោះអ្នកដំណើរមកពីបរទេសចំនួន ១១៧នាក់ និងករណីឆ្លងសហគមន៍៣១១នាក់។ ជាមួយគ្នានេះ ក្រសួងសុខាភិបាលប្រកាសថា នៅថ្ងៃ២៤សីហា មានអ្នកជាសះស្បើយពីជំងឺកូវីដ-១៩ ចំនួន៥៧២នាក់ និងមានអ្នកស្លាប់១៤នាក់។ យោងតាមរបាយការណ៍របស់ក្រសួងសុខាភិបាល គិតមកដល់ថ្ងៃទី២៤សីហាឆ្នាំ២០២១ កម្ពុជាមានអ្នកឆ្លងជំងឺកូវីដ-១៩ ចំនួន៩ម៉ឺន៥៣៥នាក់ ក្នុងនោះបានព្យាបាលជាសះស្បើយចំនួន៨ម៉ឺន៦ពាន់៧០២នាក់ និងអ្នកស្លាប់ដោយសារជំងឺកូវីដ-១៩ចំនួន១ពាន់៨៣៥នាក់ហើយ។