ខេត្តព្រៃវែង បានរកឃើញអ្នកឆ្លងជំងឺកូវីដ-១៩ ថ្មីចំនួន ១៩នាក់ និងស្លាប់ម្នាក់ក្នុងរយៈពេល ២៤ម៉ោងចុងក្រោយ
យោងតាមរដ្ឋបាលខេត្ត ការឆ្លងថ្មីទាំង ១៩នាក់ថ្ងៃនេះ រួមមាននៅស្រុកព្រះស្ដេច ៥នាក់, ស្រុកកំចាយមារ ៥នាក់, ស្រុកស្វាយអន្ទរ ៤នាក់, ស្រុកបាភ្នំ ២នាក់, ស្រុកពាមជរ ២នាក់ និងស្រុកស៊ីធរកណ្ដាលម្នាក់។ ចំណែកអ្នកស្លាប់ជាបុរសអាយុ៧៦ឆ្នាំនៅស្រុកពោធិ៍រៀង។ ខេត្តព្រៃវែងមានអ្នកឆ្លងជំងឺកូវីដ-១៩សរុប៥ពាន់៧៨៤នាក់ ក្នុងនោះបានជាសះស្បើយចំនួន៥ពាន់២៥៧នាក់ និងស្លាប់១១១នាក់។
ធី ដា
លោក ធី ដា ជាបុគ្គលិកផ្នែកព័ត៌មានវិទ្យានៃអគ្គនាយកដ្ឋានវិទ្យុ និងទូរទស្សន៍ អប្សរា។ លោកបានបញ្ចប់ការសិក្សាថ្នាក់បរិញ្ញាបត្រជាន់ខ្ពស់ ផ្នែកគ្រប់គ្រង បរិញ្ញាបត្រផ្នែកព័ត៌មានវិទ្យា និងធ្លាប់បានប្រលូកការងារជាច្រើនឆ្នាំ ក្នុងវិស័យព័ត៌មាន និងព័ត៌មានវិទ្យា ៕
