កីឡាករ JADON SANCHO មានបញ្ហារបួស អំឡុងពេលហ្វឹកហាត់ ជាមួយក្រុមជម្រើសអង់គ្លេស កាលបីថ្ងៃពុធកន្លងទៅ ។ នេះបើតាមការចុះផ្សាយរបស់សារព័ត៌មាន The Sun នៅថ្ងៃនេះ ។

គ្រូបង្វឹកលោក Gareth Southgate បានបញ្ជាក់ថា ខ្សែបម្រើស្លាបរបស់ក្រុមបិសាចក្រហម Manchester United រូបនេះ អាចនឹងអវត្តមាន សម្រាប់ការប្រកួតជម្រុះ World Cup ពេលក្រុមអង់គ្លេស ត្រូវប៉ះ ប្រទេសហុងគ្រី នៅយប់ថ្ងៃព្រហស្បតិ៍នេះ ។

Southgate បាននិយាយថា“ Jadon មាបបញ្ហារបួសពេលហ្វឹកហាត់ជាមួយមិត្តរួមក្រុម ។ ដូច្នេះត្រូវរងចាំមើលពីស្ថានភាពរបួដើម្បីជំនួសតួនាទីរបស់ Sancho ។
សូមបញ្ជាក់ថា ជម្រុះ World Cup 2022 នៅប្រទេសកាតា ក្រុមជម្រើសជាតិអង់គ្លេស ត្រូវប៉ះអង់ដូរ៉ា និងប៉ូឡូញ បន្ទាប់ពីការប្រកួតជាមួយប្រទេស ហុងគ្រីរួច ៕