នៅថ្ងៃទី០២ កញ្ញា ២០២១ ដដែលនេះ តាមការអំពាវនាវរបស់បងប្អូនពលករខ្មែរ ក្រុមការងាររបស់ស្ថានអគ្គកុងស៊ុល បានសហការជាមួយអង្គការការពារសិទ្ធិពលករ (Labour Protection Network -LPN) ចុះសួរសុខទុក្ខបងប្អូនពលករខ្មែរចំនួន ៦១គ្រួសារ ដែលកំពុងស្នាក់នៅសហគមន៍ ២០០បន្ទប់ (ស្ថិតនៅតំបន់ជិតផ្សាររោងក្លឿ) ស្រុកអារញ្ញប្រាថេត ខេត្តសាកែវ ដោយបាននាំយកនូវស្បៀងអាហារមានដូចជា អង្ករ ត្រីខកំប៉ុង ពងមាន់ ទឹកត្រី ទឹកស៊ីអ៊ីវ ត្រីប្រឡាក់គ្រៀម មើមឆៃថៅ ផ្លែននោង ទឹកដោះគោ ទឹកសុទ្ធ ម៉ាស់ ថ្នាំពេទ្យសំរាប់កុមារ ទឹកអាកុលលាងដៃ និងសម្ភារៈប្រើប្រាស់មួយចំនួនទៀត សម្រាប់ចែកជូនដើម្បីជួយសំរាលទុក្ខលំបាករបស់ពួកគាត់ ដែលកំពុងទទួលរងផលប៉ះពាល់ដោយសារការរីករាលដាលជម្ងឺកូវីដ-១៩។ដោយ សួង ពិសិដ្ឋ