អង្គការសហប្រជាជាតិ​ (UN) ​កាលពី​ថ្ងៃចន្ទ​ម្សិលមិញ ​បាន​បង្ហាញ​ពី​ការ​សាទរ​ចំពោះ​ការដែល​អាជ្ញាធរ​ប្រទេស​លី​ប៊ី​បាន​ដោះលែង​លោក​ ​A​l​-S​a​a​d​i​ ​Gad​d​a​f​i​ ​ដែល​ជា​កូនប្រុស​របស់​អតីត​មេដឹកនាំ​ ​M​u​am​mar​ ​Gad​d​a​f​i​ ​ដែល​ត្រូវ​បាន​ទម្លាក់​ចេញពី​តំណែង​ ​និង​សម្លាប់​ ​កាលពី​ឆ្នាំ​២​០​១​១​​។​

​បេសកកម្ម​ពិសេស​របស់​អង្គការសហប្រជាជាតិ​ប្រចាំ​នៅ​លី​ប៊ី​បាន​ចេញ​សេចក្តីថ្លែង​ការ​ថា​ ​«​អង្គការសហប្រជាជាតិ​គាំទ្រ​ចំពោះ​ការ​ដោះលែង​ ​ដែល​ធ្វើឡើង​កាលពី​ថ្ងៃ​ទី​៥​ ​កញ្ញា​ ​ចំពោះ​លោក​ ​A​l​-S​a​a​d​i​ ​Gad​h​a​f​f​i​ ​និង​ ​លោក​ ​A​h​me​d​ ​Ram​a​d​an​ ​ព្រមទាំង​មន្ត្រី​៦​នាក់​ផ្សេងទៀត​ធ្លាប់​បំរើការ​នៅ​ក្នុង​ពេល​ដឹកនាំ​របស់​ ហ្គា​ដា​ហ្វី ​ដែល​ពួកគេ​ត្រូវ​បាន​ឃុំ​ខ្លួន​ ​ចន្លោះ​ពី​៧​ឆ្នាំ​ ​ឬ​ច្រើនជាង​នេះ​។​ ​ការ​ដោះលែង​លោក​ ​A​l​-S​a​a​d​i​ ​Gad​h​a​f​f​i​ ​ធ្វើឡើង​ស្របតាម​បទបញ្ជា​ផ្លូវច្បាប់​បន្ទាប់ពី​តុលាការ​លី​ប៊ី​ ​សម្រេច​ដោះលែង​គាត់​ ​ក្នុង​ឆ្នាំ​ ​២​០​១​៩​។​»​

រដ្ឋាភិបាល​លី​ប៊ី​បាន​ប្រកាស​ពី​ផែនការ​ដោះលែង​អ្នកទោស​ទាំងអស់​ ​ដែល​ត្រូវ​បាន​សម្រេច​ឲ្យ​មាន​សេរីភាព​ដោយ​តុលាការ​ដែរ​ ​ជា​ផ្នែក​មួយ​នៃ​យុទ្ធនា​ការផ្សះផ្សា​ជាតិ​ទ្រង់ទ្រាយ​ធំ​ ​នៅ​លី​ប៊ី​៕​ ប្រភពពីស៊ីនហួរ