ឆ្នាំជូត

សម្រាប់លោកអ្នកដែលកើតឆ្នាំជូត នាមសត្វកណ្តុរ ធាតុទឹក ពង្សទេវតាប្រុស។ រាសីលោកអ្នកថ្ងៃនេះល្អជាមធ្យម។ កិច្ចការងារ និងអាជីវកម្មរបស់អ្នកមានដំណើរការល្អគួរឲ្យកត់សម្គាល់។ អ្នកមានលទ្ធភាពពេញលេញក្នុងការប្រជុំពិភាក្សាការងារតូចធំ ហើយក៏អាចធ្វើឲ្យមនុស្សនៅក្បែរមានចិត្តអាណិតស្រលាញ់ណាស់ដែរ។ ដោយឡែក សូមព្យាយាមកុំធ្វើការដែលស្មុគ្រស្មាញ និងប្រថុយប្រថាន អ្វីៗសូមផ្អែកទៅលើពត៌មានលំអិតកដែលអ្នកទទួលបាន។ ក្រៅពីនេះ​ សូមកុំប្រយ័ត្នក្នុងការចាយវាយលុយកាក់ ហើយបើជៀសបានគឺសូមកុំពាក់ព័ទ្ធនឹងបំណុល។

ឆ្នាំឆ្លូវ

សម្រាប់លោកអ្នកដែលមានកំណើតឆ្នាំឆ្លូវ នាមសត្វគោ ធាតុដី ពង្សមនុស្សប្រុស។​ រាសីអស់លោកអ្នកក្នុងថ្ងៃនេះឡើងខ្ពស់ត្រដែត។ លាភាសំណាងកើតឡើងច្រើនក្នុងថ្ងៃនេះ ពិសេសទាក់ទងផ្នែកសម្ភារៈ។ លោកអ្នកកំពុងទទួលបានការកោតសរសើរពីសំណាក់មនុស្សរួមការងារជាមួយគ្នា ដូច្នេះរាល់ភារកិច្ចទាំងឡាយអាចអនុវត្តន៍បានដោយគ្មានផលជំទាស់នោះទេ។ ក្នុងនោះ ប្រសិនបើលោកអ្នកចង់ផ្លាស់ប្តូរការងារ បណ្តាក់ទុន ឬដឹកនាំក្រុមការងារនឹងទទួលផលកាន់តែល្អប្រសើរ។ ក្នុងនោះដែរ សូមរក្សាទឹកចិត្តឲ្យបានល្អ កុំយករឿងដែលកន្លងហួសមកធ្វើជាបញ្ហា អ្នកគួរបំភ្លេច ឬគ្រប់គ្រងហេតុការណ៍អាក្រក់ឲ្យបានឆ្ងាយពីការសម្រេចចិត្តរបស់អ្នក។

ឆ្នាំខាល

សម្រាប់លោកអ្នកដែលមានកំណើតឆ្នាំខាល នាមសត្វខ្លា ធាតុឈើ ពង្សយក្សស្រី។ រាសីអស់លោកអ្នកក្នុងថ្ងៃនេះល្អជាមធ្យម។ ថ្ងៃនេះអ្នកគួរជៀសវាងស្ថានភាពមុខពីរ អ្នកគួរជ្រើសរើសការងារជាអាទិភាព កុំធ្វើការច្រើនក្នុងពេលតែមួយ និងត្រូវឈរលើគោលការណ៍របស់ខ្លួន។ អ្នកអាចនឹងខ្វះខាតពេលវេលាក្នុងការអនុវត្តន៍កិច្ចការបន្តិច ដូច្នេះសូមកុំចំណាយពេលវេលាផ្តេសផ្តាស ពិសេសកុំឈប់សម្រាកយូរពេក។ ក្តៅពីនេះ អ្នកប្រហែលជាកំពុងនៅឆ្ងាយពីការទំនាក់ទំនង ដូច្នេះសូមបង្កើនទំនាក់ទំនងនានាឡើងវិញ។ ក្នុងនោះដែរ សូមយកចិត្តទុកដាក់ក្នុងការរក្សាសុភមង្គលផ្ទាល់ខ្លួន និងលំនឹងការងារ។

ឆ្នាំថោះ

សម្រាប់លោកអ្នកដែលមានកំណើតឆ្នាំថោះ នាមសត្វទន្សាយ ធាតុឈើ ពង្សមនុស្សស្រី។ រាសីអស់លោកអ្នកនៅក្នុងថ្ងៃនេះឡើងខ្ពស់ត្រដែត។ រាល់អាជីវកម្ម និងកិច្ចការផ្សេងៗរបស់អ្នកមានដំណើរការល្អប្រសើរណាស់​ ហើយក៏កំពុងស្ថិតនៅលើគន្លងផ្លូវជោគជ័យធំដុំទៀតផង។ អ្នកមានលទ្ធភាពក្នុងការជួបជុំពិភាក្សា ចរចា និងដោះស្រាយបញ្ហាបានល្អ ហើយដោយសន្តិភាពផង។ ដោយសារអំណោយផលនៃពាក្យសំដីដែលមានឥទ្ធិពលធ្វើឲ្យអ្នកទទួលបានការគាំទ្រ និងលើកទឹកចិត្តខ្លាំងពីមជ្ឈដ្ឋានជុំវិញខ្លួន។ ក្នុងនោះ សូមកុំទាន់បន្ថយល្បឿន ប៉ុន្តែខិតខំប្រឹងប្រែងសម្រាប់ភាពរីកចម្រើនកាន់តែប្រសើរ។ ប្រការដែលអ្នកគួរប្រយ័ត្ន គឺពាក្យសំដីរិះគន់។

ឆ្នាំរោង

​សម្រាប់លោកអ្នកដែលមានកំណើតឆ្នាំរោង នាមសត្វនាគ ធាតុមាស ពង្សទេវតាប្រុស។ រាសីអស់លោកអ្នកក្នុងថ្ងៃនេះឡើងខ្ពស់ត្រដែត។ ថ្ងៃនេះមានអំណោយផលយ៉ាងខ្លាំងចំពោះអាជីពនានា ពិសេសសម្រាប់លោកអ្នកជាអាជីវករ លក់ចេញទិញចូលចលន និងអចលទ្រព្យអាចទទួលបានផលចំណេញច្រើន។ ហើយប្រសិនបើអ្នកចាកចេញទៅប្រឈមនឹងមជ្ឈខាងក្រៅទៀតនោះ ឳកាសគឺមានកាន់តែច្រើន។ ចំពោះការផ្លាស់ប្តូរស្ថានភាពការងារទាំងឡាយគឺអាចទៅរួច និងគ្មានផលរំខាននោះទេ។ ក្រៅពីនេះ ​សូមមានភាពរស់រាយរាក់ទាក់ និងគោរពសមត្ថភាពរបស់មនុស្សដទែ។

ឆ្នាំម្សាញ់

សម្រាប់លោកអ្នកដែលមានកំណើតឆ្នាំម្សាញ់ នាមសត្វពស់ ធាតុភ្លើង ពង្សមនុស្សប្រុស។ ​​ រាសីអស់លោកអ្នកក្នុងថ្ងៃនេះល្អជាមធ្យម។ លោកអ្នកមានលទ្ធភាពទទួលបានភាពជោគជ័យ ពីព្រោះរាសីថ្ងៃនេះផ្តល់ជូនលោកអ្នកនូវគំនិតប្រាជ្ញា​ និងអារម្មណ៍វិជ្ជមាន។ លោកអ្នកអាចធ្វើការចរចា ឬធ្វើទំនាក់ទំនងបានល្អជាមួយមនុស្សនៅជុំវិញខ្លួន រួមទំាងដៃគូរួមការងារផង។ ថ្ងៃនេះចូរសំឡឹងមើលឳកាសនានាដែលមកពីទិសបូព៌ ពីព្រោះឳកាសល្អទាំងនោះមានស្ថេរភាពណាសើ។ ដោយឡែក​ បញ្ហាជម្លោះ ឬការមិនយល់ចិត្តខ្លះអាចកើតឡើងរវាងមនុស្សក្នុងរង្វងការងារ ដូច្នេះសូមរក្សាភាពស្ងប់ស្ងៀម អនុគ្រោះ ឬកុំយកចិត្តទុកដាក់ច្រើនពេក។ ផ្ទុយទៅវិញ សូមអ្នកមានហេតុផលជានិច្ច។

ឆ្នាំមមី

សម្រាប់លោកអ្នកដែលមានកំណើតឆ្នាំមមី នាមសត្វសេះ ធាតុភ្លើង ពង្សទេវតាសី្រ។ រាសីអស់លោកអ្នកថ្ងៃនេះឡើងខ្ពស់ត្រដែត។ រាល់អាជីពនានាទទួលបានការគាំទ្រ និងលើកទឹកចិត្តពីមនុស្សនៅជុំវិញខ្លួន។ ថ្ងៃនេះក៏ជាពេលវេលាល្អបំផុតក្នុងការធ្វើទំនាក់ទំនង ដូច្នេះសូមជ្រើសរើសការងារទាំងឡាយ ឬគម្រោងដែលអ្នកបានគ្រោងទុកយកមកបង្ហាញ ឬអនុវត្តន៍។ក្នុងនោះ​រាល់ការងារដែលទាក់ទងនឹងគំនិតច្នៃប្រឌិត ឬការងារសិល្បៈគឺស្ថិតនៅលើគន្លងផ្លូវដែលកាន់តែប្រសើរ។ ស្របពេលនេះដែរ សូមគិតគូររៀបចំគម្រោងផែនការបន្ថែមសម្រាប់ក្នុងរយៈពេលយូរ ពីព្រោះអ្នកមិនទាន់អាចធានាបាននូវស្ថានភាពទ្វេរមុខបានទាំងស្រុងទេ។ សូមព្យាយាមបោះជំហានដោយភាពស្ងៀមស្ងាត់ សំឡឹងមើលហេតុការណ៍នៅជុំវិញខ្លួន។

ឆ្នាំមមែ

សម្រាប់លោកអ្នកដែលមានកំណើតឆ្នាំមមែ នាមសត្វពពែ ធាតុមាស ពង្សទេវតាសី្រ។ រាសីអស់លោកអ្នកក្នុងថ្ងៃនេះល្អជាមធ្យម។ ដំណើរការងារ និងរបររកស៊ីជួញដូរមិនមានស្ថានភាពធម្មតា។ អ្នកអាចផ្លាស់ប្តូរទីកន្លែងការងារ ឬការសហការជាការងារបានល្អជាមួយមនុស្សរួមក្រុម ហើយផលរំខានខ្លះដែលនឹងកើតឡើងមិនអាចមករឹងស្ទះផលសម្រេចរបស់អ្នកបានទេ។ ក្នុងនោះសូមលោកអ្នកជឿទុកចិត្តលើសមត្ថភាពរបស់ខ្លួនឯង ការស្តាប់យោបល់អ្នកដទៃគឺមានភាពចាំបាច់ តែក៏កុំផ្អែកការសម្រេចចិត្តនឹងអ្នកដទៃ។ ដោយឡែក សូមប្រុងប្រយ័ត្នការធ្វើដំណើរផ្លូវឆ្ងាយ។

ឆ្នាំវក

សម្រាប់លោកអ្នកដែលមានកំណើតឆ្នាំវក នាមសត្វស្វា ធាតុដែក ពង្សយក្សប្រុស។ រាសីអស់លោកអ្នកនៅក្នុងថ្ងៃនេះល្អជាមធ្យម។ ការងាររបស់អ្នកកំពុងស្ថិតក្នុងស្ថានភាពហ្នឹងហ្ន  ដូច្នេះអ្នកនឹងមិនជួបកង្វល់អ្វីធំដុំនោះទេ។ ក្នុងពេលនេះគួរផ្តោតការយកចិត្តទុកដាក់នឹងការងារដែលមានក្នុងដៃ ព្យាយាមបង្ហើយការងារដែលនៅសេសសល់ទាំងឡាយ​ កុំទុកវាជាមន្ទិលដល់ថ្ងៃស្អែក។ ក្នុងនោះយកល្អ គួរធ្វើការសម្រាក ឬចែករំលែកការងារខ្លះទៅមិត្តរួមក្រុមរបស់អ្នក ប្រសិនបើអ្នកមានអារម្មណ៍ហត់នឿយ។ កុំចូលខ្លួនទៅពាក់ព័ទ្ធនឹងបញ្ហារបស់អ្នកដទៃ រួមទាំងករណីដែលយល់ថាជាការគួរក៏ដោយ។ អ្វីទាំងអស់ត្រូវស្ថិតក្នុងស្ថានភាពដែលអាចគ្របគ្រងបាន។

ឆ្នាំរកា

សម្រាប់លោកអ្នកដែលមានកំណើតឆ្នាំរកា នាមសត្វមាន់ចែ ធាតុដែក ពង្សយក្សប្រុស។ រាសីអស់លោកអ្នកនៅក្នុងថ្ងៃនេះល្អមធ្យម។  កិច្ចការងារដំណើរការទៅដោយរលូន។ អ្នក អាចអនុវត្តន៍ផែនការទាំងអស់ដោយទំនុកចិត្តខ្ពស់។ ថ្ងៃនេះជាពេលវេលាអំណោយផល ដូច្នេះសូមកុំមានការភ័យខ្លាចក្នុងការដាក់ចេញគម្រោងផែនការ ឬបំពេញក្តីស្រមៃរបស់ខ្លួន។ ប្រការដែលគួរយកចិត្តទុកដាក់បន្ថែម គឺការគ្រប់គ្រងពត៌មាន និងឯកសារពាក់ព័ន្ធទាំងអស់ ពីព្រោះការខ្វះខាតពត៌មានបណ្តាលឲ្យបាត់បង់ទំនុកចិត្ត។ ក្នុងនោះដែរ សូមប្រយ័ត្នអារម្មណ៍របស់ខ្លួនឯង ធ្វើយ៉ាងណាកុំឲ្យភាពឆេវឆាវរបស់អ្នកជះឥទ្ធិពលដល់ការងារ​។ ​ដោយឡែក សូមប្រយ័ត្នសម្ពាធផ្លូវចិត្ត។

ឆ្នាំចរ

សម្រាប់លោកអ្នកដែលមានកំណើតឆ្នាំចរ នាមសត្វឆ្កែ ធាតុដី ពង្សយក្សស្រី។ រាសីអស់លោកអ្នកល្អជាមធ្យម។ ថ្ងៃនេះមានអំណោយផលយ៉ាងខ្លាំងចំពោះលោកអ្នកដែលប្រកបអាជីវកម្ម។ លោកអ្នកនឹងទទួលបានអតិថិជនល្អ ហើយការជឿទុកចិត្តនេះជួយឲ្យអ្នកអាចបោះជំហានដោយការជឿទុកចិត្ត ​និងគ្មានផលរំខាន។ រាល់ការផ្លាស់ប្តូរស្ថានភាពការងារ ការបោះទុន ការបង្កើតមុខរបរថ្មីសុទ្ធតែអាចទៅរួចទាំងអស់។ ចំពោះការទំនាក់ទំនងជាមួយមនុស្សនៅជុំវិញខ្លួនគឺកាន់តែល្អប្រសើរ។ បញ្ហាតែមួយរបស់អ្នកក្នុងពេលនេះគឺការធ្វើបាបខ្លួនឯង ដោយការភ្ជាប់ដំណើរជីវិតនឹងផលអវិជ្ជមានពីអតីត។ ប្រសិនបើអ្នកអាចបោះបង់ ឬគ្រប់គ្រងអារម្មណ៍នេះបាន នោះពេលវេលាថ្ងៃនេះពោរពេញដោយភោគផល។

ឆ្នាំកុរ​

សម្រាប់លោកអ្នកដែលមានកំណើតឆ្នាំកុរ  នាមសត្វជ្រូក ធាតុទឹក ពង្សមនុស្សស្រី។ រាសីអស់លោកអ្នកនៅក្នុងថ្ងៃនេះល្អជាមធ្យម។ ថ្ងៃនេះកិច្ចការងាររបស់អ្នកទាមទារឲ្យមានការវាយតម្លៃដោយភាពវាងវៃ និងរហ័សរហួន។ ជាទូទៅអ្នកអាចធ្វើកិច្ចការដែលខ្លួនប៉ងប្រាថ្នាបាន ប៉ុន្តែស្ថានភាពនៅជុំវិញអ្នកក៏មានការរង្គោះរង្គើច្រើនផងដែរ​ ដូច្នេះវាទាមទារការខិតខំប្រឹងប្រែង តស៊ូ និងចំណាយកំលាំងច្រើនជាងធម្មតា។ ក្នុងនោះ លោកអ្នកមិនគួរស្តាប់មតិផ្សេងៗច្រើនពេកនោះទេ ប្រយ័ត្នត្រូវខកបំណងព្រោះការជឿជាក់។ ក្នុងនោះដែរ គំនិតយោបល់ខ្លះ ត្រូវរងចាំឳកាសក្នុងការនិយាយ ឬបកស្រាយ ពីព្រោះស្ថានភាពក្នុងថ្ងៃនេះអាចមានស្ថានភាពមិនច្បាស់លាស់ បំណងល្អ​ ក៏អាចក្លាយជាបញ្ហាបាន។

ចំណាំៈ

ឆ្នាំទាំង៤ ឆ្លូវ ថោះ រោង មមី រាសីឡើងខ្ពស់ត្រដែត។ លោកអ្នកអាចសម្រេចរាល់ការងារទាំងឡាយដោយភាពជោគជ័យ និងរឹងមាំ។ ចំណែកលុយកាក់ ឳកាស ព្រមទាំងសេចក្តីសុខកើតឡើងស្របគ្នា។  

ឆ្នាំទាំង៨ ជូត ខាល ម្សាញ់ មមែ វក​ រកា ចរ ​កុរ រាសីល្អមធ្យម។