ដាណឺម៉ាក ក្លាយជាប្រទេសអឺរ៉ុបតែមួយគត់ ដែលមិនមានវិធានការណ៍រិតត្បិតទប់ស្កាត់កូវីដ
ដាណឺម៉ាកបានក្លាយជាប្រទេសនៅអ៊ឺរ៉ុបតែមួយគត់ ដែលមិនមានការរឹតត្បិតការទប់ស្កាត់ជំងឺកូវីដ ដោយសារអត្រាវ៉ាក់សាំងនៅប្រទេសនេះ បានឈានដល់ជាង ៧០ ភាគរយនៃប្រជាជនសរុបក្នុងប្រទេស។ប្រជាពលរដ្ឋម្នាក់ឈ្មោះ Klaus Sylvester បាននិយាយ៖ «វា(ជំងឺរាតត្បាត)មានរយៈពេលពីរ បីឆ្នាំហើយ។ ខ្ញុំមានកូនបីនាក់ ហើយពេលរៀននៅផ្ទះ ពិបាកខ្លាំងណាស់។ ខ្ញុំត្រេកអរណាស់ ដែលដាណឺម៉ាកលែងមានការរឹតត្បិតទៀតហើយ»។
ប្រទេសដាណឺម៉ាក បានណែនាំពីគោលការណ៍នៃការធ្វើលិខិតឆ្លងដែនកូវីដ-១៩ នៅខែ មីនា ឆ្នាំ ២០២១ ដែលជាផ្នែកមួយនៃការបន្ធូរបន្ថយច្បាប់តឹងរឹងបន្តិចម្តងៗ។
កាលពីថ្ងៃទី ១ ខែសីហា ប្រទេសនេះ បានបន្ថូរបន្ថយគោលការការត្រូវការបង្ហាញប័ណ្ណបញ្ជាក់សុខភាពនៅសារមន្ទីរ និងព្រឹត្តិការណ៍ក្នុងស្រុក ដែលមានមនុស្សតិចជាង ៥០០ នាក់ ខណៈគោលការណ៦ពាក់ម៉ាស់ត្រូវបានបន្ថូរបន្ថយនៅទីសារធារណៈ នៅកន្លែងដឹកជញ្ជូនសាធារណៈ ចាប់តាំងពីពាក់កណ្តាលខែ សីហា មកម្ល៉េះ។
គួរបញ្ជាក់ផងដែរថា ការចែកចាយវ៉ាក់សាំងនៅប្រទេសនេះ មានដំណើរការយ៉ាងឆាប់រហ័ស ដោយមាន ប្រជាជនជាង ៧៣ ភាគរយនៃប្រជាជនសរុបចំនួន ៥.៨ លាននាក់ បានចាក់វ៉ាក់សាំងពេញលេញហើយ ប្រជាជន ដែលមានអាយុលើសពី ៦៥ ឆ្នាំ បានទទួលបានវ៉ាក់សាំងពេញលេញ ប្រមាណជាង ៩៦ ភាគរយហើយ។
