នៅថ្ងៃទី២៣ ខែកញ្ញា ឆ្នាំ២០២១ មានសារព័ត៌មាន ឈ្មោះ ស៊ីស៊ីថាមស៍ បានចុះផ្សាយថា ថៃមួយក្រុមនៅខេត្តព្រះសីហនុស្វែងរកការ អន្តរាគមន៍ ក្រោយជាប់ឃុំបង្ខំឱ្យធ្វើការល្បែងអនឡាញ។

កាលពីថ្ងៃទី០៤ ខែកញ្ញា ឆ្នាំ២០២១ នគរបាលជំនាញ នៃស្នងការ ដ្ឋាននគរបាលខេត្តព្រះសីហនុ បានធ្វើការស្រាវជ្រាវ រកឃើញជនជាតិថៃចំនួន ៣៦នាក់ (ស្រី១០នាក់) ដែលមេខ្យល់នាំឆ្លងដែនដោយខុសច្បាប់ (ស្នាក់នៅកាស៊ីណូហ្គោលដិនវើល៣ ) ស្ថិតនៅភូមិ១ សង្កាត់៣ ក្រុង/ខេត្តព្រះសីហនុ ។

បន្ទាប់មកឯកឧត្តមអភិបាលខេត្ត បានចាត់ចែងក្រុមគ្រូពេទ្យចុះយកសំណាកធ្វើតេស្តទាំងអស់ជាបន្ទាន់ ក៏បានរកឃើញអ្នកវិជ្ជមាន មេរោគ (កូវីដ-19 ប្រភេទដែលតា) ចំនួន ០៥នាក់ (ស្រី០១នាក់) យកទៅព្យាបាលនៅ សណ្ឋាគារសាកាណា៣ ។

-ចំណែកចំនួន ៣១នាក់ មិនមានវិជ្ជមាន ដាក់ឲ្យធ្វើចត្តាឡីស័ក នៅកន្លែងនោះដើម្បីតាមដានបន្ត ។

-កម្លាំងជំនាញបន្តស្រាវជ្រាវរកឃើញអ្នកពាក់ព័ន្ឋដែលនាំជនជាតិថៃ ខាងលើចូលមកដោយខុសច្បាប់ចំនួន ០៤នាក់ (ចិន ០៣នាក់ និង ថៃ ០១នាក់) បានកសាងសំណុំរឿងបញ្ជូនទៅសាលាតំបូងខេត្ត អនុវត្តន៍តាមវិធានច្បាប់រួចរាល់ហើយ ។ (មិនមែនបង្ខាំងមនុស្សនោះទេ) សូមសាធារណៈជនមេត្តាជ្រាបជា ព័ត៌មាន ៕