ភ្នំពេញ  ៖  បុរសម្នាក់បានរងរបួសធ្ងន់ហេីយត្រូវបានរថយន្តសាមុយដឹកបញ្ចូនទៅកាន់មន្ទីរពេទ្យភ្លាមៗ  និងនារីម្នាក់ទៀតរងរបួសស្រាល  បន្ទាប់ពីត្រូវរថយន្តស៊េរីទំនេីបម៉ាកKIAបេីកបុកម៉ូតូជនរងគ្រោះយ៉ាងពេញទំហឹង  កាលពីវេលាម៉ោង១០  និង៥០នាទីយប់  ថ្ងៃទី២៩  ខែកញ្ញា  ឆ្នាំ២០២១  នៅត្រង់ចំណុចក្បែរផ្សារអូរឬស្សី តាមបណ្ដោយផ្លូវ១៨២  កែងផ្លូវ១០៧  ក្នុងសង្កាត់បឹងព្រលិត  ខណ្ឌ៧មករា  ។ 
 តាមប្រភពព័ត៌មានពីកន្លែងកើតហេតុបានឲ្យដឹងថា  មុនកេីតហេតុនោះគឺ  គេឃេីញម៉ូតូម៉ាកPCX ពណ៌ស  ពាក់ស្លាកលេខភ្នំពេញ  1HA-7060 បេីកបរដោយបុរសម្នាក់ ឌុបនារីម្នាក់  ធ្វេីដំណេីរតាមបណ្ដោយផ្លូវ១៨២  ទិសដៅពីលិចមកកេីត ក្នុងល្បឿនល្មម  ខណៈមកដល់ចំណុចកេីតហេតុស្រាប់តែមានរថយន្តម៉ាកKIA ពណ៌ស  ពាក់ស្លាកលេខភ្នំពេញ  2AZ-1703 បេីកបរដោយបុរសជនជាតិចិនធ្វេីដំណេីរស្របទិសគ្នាមកបុកពេញទំហឹង  បណ្ដាលឲ្យបុរសម្នាក់ជាអ្នកឌុបរងរបួសធ្ងន់  រីឯនារីម្នាក់អង្គុយខាងក្រោយរងរបួសស្រាល  ។ ដោយឡែករថយន្តបង្ករងការខូចខាតផ្នែកខាងមុខមធ្យម  តែម៉ូតូខ្ទាតឆ្ងាយពីរថយន្តជាង១០ម៉ែត្ររងការខូចខាត គួរសម  ។ 
 ក្រោយកេីតហេតុ  បុរសរងគ្រោះដែលរបួសធ្ងន់ត្រូវបានរថយន្តសាមុយដឹកបញ្ចូនទៅកាន់មន្ទីរពេទ្យភ្លាមៗ  រីឯរថយន្តបង្កនិងម៉ូតូត្រូវបានសមត្ថកិច្ចមូលដ្ឋានទាក់ទងទៅជំនាញចរាចរណ៍ធ្វេីការវាស់វែងយកទៅរក្សាទុក នៅអធិការដ្ឋាននគរបាលខណ្ឌ៧មករា  ដេីម្បីដោះស្រាយគ្នានាពេលក្រោយ  ៕  ដោយ  ៖  ជីម  ភារ៉ា