យន្តហោះដឹកអ្នកដំណើរចុះចតភ្លាមៗ លឺថាមានផ្ទុះគ្រាប់បែក
យន្តហោះផ្ទុកអ្នកដំណើរនៅប្រទេសគុយវ៉ែតមួយគ្រឿងបានចុះចតភ្លាមៗ ក្រោយពេលមានការគំរាមកំហែងពីបំផ្ទុះគ្រាប់បែក។
មន្ត្រីរដ្ឋាភិបាលប្រទេសគុយវ៉ែតបានឲ្យដឹង នាថ្ងៃទី៨ តុលាថា យន្តហោះក្នុងប្រទេសដឹកអ្នកដំណើរមួយគ្រឿងបានចុះចតជាបន្ទាន់ នៅចំណតអាកាសយានដ្ឋាន Trazon នៅក្នុងប្រទេសតួកគី កាលពីថ្ងៃព្រហស្បតិ៍ ក្រោយពេលមានសេចក្តីរាយការណ៍ពីការគំរាមកំហែងបំផ្ទុះគ្រាប់បែក ទៅលើទីបញ្ជាការដ្ឋានចំណតអាកាសយានដ្ឋាន។
យន្តហោះរបស់ក្រុមហ៊ុន Jazeera Airways បានហោះចេញពីគុយវ៉ែត មានអ្នកដំណើរ៥១នាក់ និងបុគ្គលិក៦នាក់ នៅលើយន្តហោះ បានចុះចតដោយសុវត្ថិភាពហើយអ្នកដំណើរទាំងអស់សុទ្ធតែត្រូវបានជម្លៀស ខណៈដែលសន្តិសុខបានបើកការស៊ើបអង្កេត ករណីនេះ។ វ៉ាលីរបស់អ្នកដំណើរត្រូវបានត្រួតពិនិត្យ ហើយយន្តហោះនឹងត្រូវបន្តដំណើរវិញ ក្រោយពេលឆែកឆេរ រួចរាល់នោះ៕ ប្រភពពី CNA
