ភ្នំពេញ៖ អ្នកប្រើប្រាស់បណ្តាញសង្គម Facebook នៅថ្ងៃទី១៦ ខែមករា ឆ្នាំ២០២០នេះ បានចែកចាយខ្លីបវីដេអូមួយ ដែលសិស្សសាលាមួយក្រុម ព្រួតគ្នាទាត់ធាក់ និងជេរប្រទេចសិស្សស្រីម្នាក់ ប្រៀបដូចជាសត្វធាតុ។

នៅក្នុងវីដេអូខ្លីបដែលមានរយៈពេល ៣៩វិនាទីនេះ គេមិនទាន់ដឹងថា សកម្មភាពទាត់ធាក់សិស្ស សាលានេះ មិនដឹងកើតឡើងនៅទីណានៅឡើយទេ នៅរសៀលថ្ងៃទី១៦ ខែមករា ឆ្នាំ២០២០។ សកម្មភាពបែបនេះ ធ្វើឲ្យអ្នកប្រើប្រាស់បណ្តាញសង្គម ស្នើដល់សមត្ថកិច្ចស្រាវជ្រាវចាប់ខ្លួន ក្រុមជនបង្កយកទៅផ្តន្ទាទោសតាមច្បាប់ ដោយសារពួកគេធ្វើបានក្មេងស្រីម្នាក់ ដែលគ្មានកម្លាំងតស៊ូទាល់តែសោះ។

គួរបញ្ជាក់ថា ថ្មីៗនេះសមត្ថកិច្ចបាននាំនារីម្នាក់ដែលគេដាក់រហស្សនាមថា បងធំមេសាង យកទៅសួរនាំបន្ទាប់ពីនារីរូបនោះ ប្រើអំពើហិង្សាលើសិស្សស្រីម្នាក់៕