ថៃបើកប្រទេសវិញហើយនៅថ្ងៃចន្ទ តែឆ្លងនិងស្លាប់មិនទាន់អន់ទេ
តាមគម្រោង នាថ្ងៃទៅ១ វិច្ឆិកា ២០២១ខាងមុខនេះ ប្រទេសថៃនឹងចាប់ផ្តើមបើកប្រទេសឡើងវិញក្រោយរឹតត្បិតខ្លាំងព្រោះកូវីដ ជាការបើកឡើងវិញ សំដៅលើការដកបំរាមគោចរនៅរាជធានីបាងកក និងខេត្ត១៦ផ្សេងទៀត រួមនឹងការទទួលភ្ញៀវអន្តរជាតិ មកពី៤៦ប្រទេសនិងតំបន់ ដោយមិនចាំបាច់ធ្វើចត្តាឡីស័ក ជាដើម។
យ៉ាងណាក៏ដោយ តួលេខឆ្លងកូវីដ១៩ប្រចាំថ្ងៃនៅប្រទេសថៃនៅតែមិនទាន់ថមថយទេ គឺរាប់ពាន់នាក់ក្នុងមួយថ្ងៃៗ ឬ ឈានដល់ក្បែរៗ១ម៉ឺងនាក់ក៏មាន រីឯការស្លាប់វិញ ១ថ្ងៃៗ ស្លាប់ចន្លោះពីជាង៥០ទៅក្បែរ១០០នាក់ដែរ។
ជាក់ស្តែង នាព្រឹកថ្ងៃទី៣០ តុលា ២០២១នេះ ថៃបានប្រកាសពីការវិជ្ជមានកូវីដ១៩ ករណីថ្មីៗ ចំនួន៩២២៤នាក់ ស្លាប់៨៨នាក់ទៀត ត្រឹមពេល២៤ម៉ោងចុងក្រោយមកនេះ។
ថៃមានជំងឺវីរុសនេះលើកដំបូង កាលពីដើមឆ្នាំ២០២០ ហើយពេលនេះ កើនដល់ជិត២លាននាក់ហើយ ខណៈដែលអ្នកស្លាប់ព្រោះជំងឺនេះ កើនដល់ ១៩១៥៨នាក់ហើយ។
គេនៅចាំបានថា រកទៅទី៣ នៅថៃ កាលពីថ្ងៃទី១ មេសា ២០២១ ដែលអូសបន្លាយមកដល់ពេលនេះគឺជាពេលវេលាដ៏យ៉ាប់យឺនបំផុតរបស់ថៃ ក្នុងប្រវត្ថិកូវីដ១៩នេះ ក្នុងនោះ រលកទី៣នេះ ថៃមានឆ្លងជិត១.៩លាននាក់ ស្លាប់វិញ ជាង១.៩ម៉ឺននាក់។ ពេលនោះ ថៃក៏ត្រៀមរៀបចំបើកប្រទេសពេលលេញឡើងវិញ ដូចជាការរៀបចំកញ្ចប់ទេសចរណ៍ ជាដើម៕
