ឥណ្ឌាបិទរោងចក្រថាមពល បិទសាលា ក្នុងរដ្ឋធានី ទប់ស្កាត់ការបំពុលខ្យល់
អត្ថបទដោយ៖
លន់ សារ៉ាត
ឥណ្ឌាបានបិទបណ្តារោងចក្រថាមពល ដើរដោយធ្យូងថ្មី នៅជុំវិញរដ្ឋធានី ញ៉ូវ ដេល្លី ហើយបានបិទទ្វារសាលារៀនទាំងអស់ រហូតដល់មានការជូនដំណឹងជាថ្មី ខណៈដែលវាត្រូវបានចាត់ទុកជាផ្នែកមួយក្នុងការប្រយុទ្ធប្រឆាំងនឹងបំពុលខ្យល់។
ក្រៅពីនេះ គណៈគ្រប់គ្រងគុណភាពខ្យល់ថែមទាំងបានដាក់បំរាមមិនឲ្យរថយន្តធំៗ ដឹកជញ្ជូនទំនិញមិនសូវសំខាន់ និងបញ្ឈប់ការដ្ឋានសំណង់ នៅក្រុង និង បណ្តាក្រុងក្បែរៗខាងដែរ នេះបើតាមការចេញផ្សាយរបស់ទីភ្នាក់ងារសារព័ត៌មាន CNA នាថ្ងៃទី១៧ វិច្ឆិកា ២០២១នេះ។
ប្រភពថា កម្រិតបំពុលខ្យល់នៅញ៉ូវដេល្លីស្ថិតក្នុងស្ថានភាពធ្ងន់ធ្ងរខ្លាំង ក្នុងខែវិច្ឆិកានេះ៕
លន់ សារ៉ាត
ខ្ញុំបាទ លន់ សារ៉ាត ជាពិធីករអានព័ត៌មាន និងជាពិធីករសម្របសម្រួលកម្មវិធីផ្សេងៗ និងសរសេរព័ត៌មានអន្តរជាតិ
