បន្ទាប់ពីទទួលបានជោគជ័យខ្លាំងពីមួយឆ្នាំទៅមួយឆ្នាំ អ្នកជំនាញអ្នករៀបចំព្រឹត្តិការណ៍ Off Road Festival លោក ព្រុំ រស្មី រំពឹងទុកថា ឆ្នាំ២០២០ លើកទិ៤ នឹងទាក់ទាញ ហើយកាន់តែធំជាងឆ្នាំនេះទៀត ជាពិសេសអ្នកប្រណាំងមកពីបរទេស ។      លោក ព្រុំ រស្មី បញ្ជាក់បប្ថែមថា ព្រឹត្តិការណ៍ Off Road Festival បង្កើតឡើង ដើម្បីជួបជុំអ្នកស្រលាញ់ប្រភេទកីឡា Off Road តែមួយមុខនោះទេ ពោលគឺរួមចំណែកផ្សព្វផ្សាយ ពីសក្កានុពលវិស័យទេសចរណ៍ និងការអប់រំបញ្ជៀបការយលដឹងអំពីបញ្ហាបរិស្ថានដលប្រជាពលរដ្ឋ នៅតាមមូលដ្ឋាន ។

អ្នកជំនាញរូបនេះ អះអាងទៀតថា Off Road Festival លើកទី៣នេះ ចំនួនអ្នកចូលរួមប្រណាំងទាំងរថយន្ត និងម៉ូច្នៃមានចំនួនច្រើនជាងបណ្តាឆ្នាំមុនៗប្រមាណជា៣ដង ខណៈស្ថានភាពផ្លូវប្រណាំងមានស្តង់ដារ នឹងទាក់ទាញ ចំនុចសំខាន់នោះកឺជិត ហើយងាយស្រួលសម្រាប់អ្នកប្រណាំងតែម្តង ។

គួរបញ្ជាក់ថា ព្រឹត្តិការណ៍ Off Road Festival លើកទី៣ ដែលរៀបចំនៅកំពូលភ្នំគិរីរម្យនេះ មានរយៈពេល២ថ្ងៃ និងមានរថយន្តចូលរួមប្រកួតចំនួន៤២គ្រឿង រថយន្តមកពីប្រទេសថៃចំនួន៤គ្រឿង ខណៈម៉ូតូច្នៃវិញមានរហូតដល់៤៥គ្រឿង ។ 

សូមបញ្ជាក់ថា ព្រឹត្តិការណ៍ Off Road Festival បានបង្កើតឡើង ក្នុងឆ្នាំ២០១៧ រហូតមកដល់ឆ្នាំ២០១៩នេះ មានចំនួន៣លើក គោលបំណងដែលបង្កើតព្រឹត្តការណ៍នេះឡើង គឺដើម្បីជួបជុំមហាគ្រួសារ Off Road ផង ចូលរួមអភិវឌ្ឍន៍វិស័យយានយន្ត អប់រំផ្សព្វផ្សាយពីវិស័យទេសចរណ៍ និងការចូលរួមស្រលាញ់ថែរក្សាបរិស្ថាននៅកម្ពុជា ៕ធ.ដ