កំពង់ចាម ៖ ចាស់ជរាគ្មានទីពឹង និងកម្លាំងប្រជាការពារភូមិ នៅក្រុងកំពង់ចាមប្រមាណ ៥៥០នាក់ បានទទួលបានអំណោយអាវរងារ និងអំណោយផ្សេងៗទៀត ពីសម្ដេចអគ្គមហាសេនាបតីតេជោ ហ៊ុន សែន និងសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន តាមរយៈ ឯកឧត្ដម អ៊ុន ចាន់ដា អភិបាលខេត្ត និងឯកឧត្ដម ខ្លូត ផន ប្រធានក្រុមប្រឹក្សាខេត្តកំពង់ចាម នាព្រឹកថ្ងៃទី០១ ធ្នូ ២០២១នេះ ។

ឯកឧត្តម គណៈអធិបតី បានថ្លែងថា អំណោយដែលបានផ្តល់ជូននាពេលនេះ ជាការយកចិត្តទុកដាក់ពីសុខទុក្ខប្រជាពលរដ្ឋពីសំណាក់សម្ដេចតេជោ ហ៊ុន សែន និងសម្ដេចគតិព្រឹទ្ធបណ្ឌិត ប៊ុន រ៉ានីដែលតែងមានការព្រួយបារម្មណ៍ពីសវត្ថិភាពអាយុជីវិតប្រជាជនយើង ៕