តាកែវ ៖ ករណីអគ្គីភ័យមួយបានឆាបឆេះផ្ទះ ១ខ្នងធ្វើពីឈើប្រក់ក្បឿងមានទំហំ ០៦x០៧ ម៉ែត្រ ស្ថិតនៅក្នុងភូមិអង្គតាសោម ឃុំអង្គតាសោម ស្រុកត្រាំកក់ ខេត្តតាកែវ ដែលមានម្ចាស់ឈ្មោះ សេង ហួរ ភេទ ប្រុស អាយុ ៥៤ ឆ្នាំ មានមុខរបរកសិករ ។

តាមរបាយការណ៍សមត្ថកិច្ចបានអោយដឹងថា អគ្គីភ័យនេះកើតឡើងនៅថ្ងៃទី ១៤ ខែធ្នូ ឆ្នាំ២០២១ វេលាម៉ោង ១១ និង៣០នាទី បណ្តាលឲ្យឆេះផ្ទះខាងលើស្ទើរទាំងស្រុង និងខូចខាតសម្ភារមានដូចជា

• ប្រាក់ចំនួន ១១,៥០០,០០០ លាន រៀល តុឈើចំនួន ០១
  គ្រែ ឈើចំនួន ០២ និងសំលៀកបំពាក់មួយចំនួនធំ ។

ករណីខាងលើនេះមិនបណ្តាលឱ្យរងរបួសដល់មនុស្ស ឬឆេះឆ្លងរាលដាលដល់ផ្ទះប្រជាពលរដ្ឋផ្សេងទៀតឡើយ មូលហេតុគឺបណ្តាលមកពីឆ្លងចរន្តអគ្គិសនី ។

ក្នុងប្រតិបត្តិការពន្លត់ អគ្គីភ័ខាងលើនេះកម្លាំងជំនាញបានប្រើប្រាស់រថយន្តពន្លត់អគ្គីភ័យចំនួន ០៣គ្រឿង ក្នុងនោះមានរថយន្តពន្លត់អគ្គីភ័យរបស់ស្នងការដ្ឋាននគរបាលខេត្តតាកែវចំនួន ០២គ្រឿង និងស្រុកត្រាំកក់ចំនួន ០១គ្រឿង ដោយប្រើប្រាស់ទឹកអស់ចំនួន ០៤ រថយន្ដ ៕